ރާއްޖޭގެ ޓޫރިޒަމް ދާއިރާގައި ބާއްވާ އެންމެ ބޮޑު ކުޅިވަރު ހަރަކާތް "ރިސޯޓް ލީގު 2023" ގެ ސްޕޮންސަރ ޕާޓްނަރަކަށް އެލިއާ އިންވެސްޓްމަންޓް ޕްރައިވެޓް ލިމިޓެޑް ހަމަޖައްސައިފިއެވެ.

ސްޕޮންސަރ ޕާޓްނަރާއެކު ބޭއްވި ސޮއި ކުރުމުގެ ރަސްމިއްޔާތުގައި ބިގް ގޭމް މޯލްޑިވްސްގެ ފަރާތުން ސޮއިކުރެއްވީ ރިސޯޓް ލީގު 2023 ގެ ޕަބްލިކް ރިލޭޝަން އިސްމާއިލް މުފީދު (ބިއްލެ) އެވެ.  އެލިއާ އިންވެސްޓްމަންޓް ގެ ފަރާތުން ސޮއިކުރެއްވީ ޖެނެރަލް މެނޭޖަރު އަހުމަދު ސައީދު އެވެ.

އެލިއާ އިންވެސްޓްމަންޓަކީ ފާއިތުވެދިޔަ 60 އަހަރުތެރޭގައި ރާއްޖޭގެ އެކި ކަންކޮޅުތަކުގައި އެކުންފުނީގެ ކަސްޓަމަރުންނަށް ދެމެހެއްޓެނިވި ގޮތެއްގައި ރަގަޅު ފެންވަރެއްގައި އިތުބާރު ހުރި ހިދުމަތްތަކެއް ފޯރުކޮށްދެމުން އަންނަ ކުންފުންޏެކެވެ. 

އެލިއާ ގެ ފަރާތުން ރާއްޖެއަށް ޔަމަހާ އައުޓްބޯޑްސްގެ ރިވޮލިއުޝަނަރީ އިންޓްރޮޑަކްޝަނާއި ވޭވްރަނަރސް، ސައިކަލް، ޔަމަލުބެ އަދި ޖެނުއިން ސްޕެއަރ ޕާޓްސްގެ ބޮޑު ޕްރޮޑަކްޓް ލައިންއެއް ތައާރަފްކޮށްފައިވާ އިރު، އެންމެ ފަހުން ބޭއްވި މޯލްޑިވްސް ބޯޓިން އެވޯޑްސް 2022 ގައި އެންމެ މޮޅު އާފްޓާ ސޭލްސް ސާވިސް ޕްރޮވައިޑާ އަދި މޯސްޓް ޕްރިފާޑް މެރިން އިންޖީން ބްރޭންޑް އޮފް ދަ އިޔާގެ އެވޯޑް ލިބުނީ ވެސް އެ ކުންފުންޏަށެވެ.

ވޮއިސް އަށް މައުލޫމާތު ދެމުން އެކުންފުނީގެ ފަރާތުން ބުނެފައިވާ ގޮތުގައި އާލިއާގެ އަމާޒަކީ އާންމު ދިރިއުޅުމުގައި ކަސްޓަމަރުންގެ ހިތްހަމަޖެހުން އިތުރުކުރުމަށް ޓެކްނޮލޮޖީއަށް އިންވެސްޓްކުރާއިރު، ދެމެހެއްޓެނިވި އަދި އިތުބާރު ހިފޭ އާފްޓާ ސޭލްސް ހިދުމަތްތައް ދެމުން ގެންދިއުމެވެ.