އިލެކްޝަންސް ކޮމިޝަން(އީސީ)ގެ މެމްބަރުކަމަށް ކުރިމަތިލުމުގެ ފުރުސަތު ހުޅުވާލައިފިއެވެ.
އިލެކްޝަންސް ކޮމިޝަނުން ބުނީ، މެމްބަރުކަމަށް ކުރިމަތިލުމަށް ހުޅުވާލީ މިހާރު ތިއްބެވި މެންބަރުންގެ ތެރެއިން މެންބަރެއްގެ މުއްދަތު ހަމަވާތީ ކަމަށެވެ.
މި މަގާމަށް ހޮވޭ މީހަކީ އުމުރުން 25 އަހަރު ވެފައިވާ މުސްލިމު ދިވެހި ރައްޔިތަކަށް ވާން ޖެހެއެވެ. އަދި ޙައްދެއް ކަނޑައެޅިފައިވާ ކުށެއް ކުރިކަން މިދިޔަ ފަސް އަހަރު ތެރޭގައި ޝަރީޢަތަށް ސާބިތުވެފައި ނުވުމާއި ސިޔާސީ މަގާމެއް ފުރަމުންދާ މީހަކަށް ނުވުމަކީވެސް މެމްބަރު ކަމަށް ހޮވޭ މީހެއްގެ ޝަރުތެކެވެ. މީގެ އިތުރުން:-
* އެހެން ވަޒީފާއެއް އަދާކުރާ މީހަކަށް ނުވުމާއި
* ޖިނާއީ ކުށެއް ސާބިތުވެ، އަހަރަކަށްވުރެ ދިގު މުއްދަތެއްގެ ހުކުމް ތަންފީޒު ކުރަމުންދާ މީހަކަށް ނުވުމާއި
* ސިޔާސީ ޕާޓީއެއްގެ މެންބަރެއް ނުވަތަ ޙަރަކާތްތެރިއެއް ކަމުގައި ނުވުމަކީ މެމްބަރުކަމަށް ކުރިމަތިލާ މީހާގެ ޝަރުތެއް ކަމަށް އީސީގެ އިއުލާނުގައި ވެއެވެ.
އީސީއިން ދަނީ މި އަހަރު ބޭއްވުމަށް ހަމަޖެހިފައިވާ ރިޔާސީ އިންތިހާބުގެ ތައްޔާރީތައް ވަމުންނެވެ. އެގޮތުން ވޯޓަރސް ލިސްޓް އާއްމުކޮށް، މިހާރު ވަނީ އިންތިހާބީ މައި މަރުކަޒުވެސް ހަމަޖައްސާފައެވެ.
Advertisement
This content is created and paid for by advertisers and does not involve Voice Journalists
