މީދޫ ޖަމްޢިއްޔަތުއް ޞަލާޙް ފަރާތުން އިންތިޒާމްކޮށްގެން ރ. އަތޮޅުގެ ރިސޯޓްތަކަށް ހުޅުވާލައިގެން ބާއްވާ ރާއްޖޭގެ އެންމެ ބޮޑު އިންޓަރ ރިސޯޓް ފުޓްސަލް ޗެލެންޖު " އާރުޑީސީ ރާބަދި ޗެލެންޖް 2023" ގައި ރޭ ކުޅެވުނު ދެ މެޗު ޖޯލި އަދި ސްޓޭންޑާޑް އިން ކާމިޔާބުކޮށްފި އެވެ.

ރޭގެ ފުރަތަަމަ މެޗުގައި އިންޓަކޮންޓިނަންޓަލް މާމުނަގަ އާއި ވާދަކޮށް ޖޯލި މޯލްޑިވްސް އިން މެޗު ކާމިޔާބުކުރީ ފަސޭހަކަމާ އެކު 7-0 ގެ ތަފާތުބޮޑު ނަތީޖާއަކުންނެވެ. މި މެޗުގެ ފުރަތަަމަ ހާފުގައި އެޓީމުން 5 ލަނޑު ކާމިޔާބު ކުރި އިރު ދެވަނަ ހާފުގައި އެޓީމުން އިތުރު ދެ ލަނޑު ކާމިޔާބުކޮށްފައެވެ.

ރޭގެ މެޗުގައި ޖޯލި ޓީމުގެ މުހައްމަދު ޖުމާން 4 ލަނޑު ކާމިޔާބުކޮށްދިން އިރު އެޓީމުގެ އިބްރާހިމް ރިއްފަތު ވަނީ ދެ ލަނޑު ކާމިޔާބުކޮށްފައެވެ. އަދި އެޓީމުގެ އަނެއް ލަނޑު ކާމިޔާބުކޮށްދިނީ މޫސާ ލަތީފް އެވެ. މި މެޗުގެ މޮޅުކުޅުންތެރިއަކަށް ހޮވުނީ މުހައްމަދު ޖުމާން އެވެ.

ރޭގަ ކުޅެވުނު ދެވަަނަ މެޗުގައި ކޮތައިފަރު އާއި ވާދަކޮށް ދަ ސްޓޭންޑަޑް މޮޅުވީ 5-2 ގެ ނަތީޖާއަކުން ނެވެ. ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗުގައި ފުރަތަަމަ ހާފުގައި ސްޓޭންޑާޑް އިން ހަތަރު ލަނޑު ކާމިޔާބުކުރި ފުރަތަަމަ ހާފުގެ ކުޅުން ނިމިގެންދިޔައީ 4-2 ގެ ނަތީޖާއަކުން ސްޓޭންޑާޑް ކުރީގައި އޮވެގެންނެވެ.

ދެވަނަ ހާފުގައި ސްޓޭންޑާޑް އިން އިތުރު ލަނޑެއް ކާމިޔާބުކުރި އިރު މި މެޗުގައި އެޓީމުގެ މުހައްމަދު އަރުމީން އާއި ޚާލިދު މުހައްމަދު މިއިން ކޮންމެ ކުޅުންތެރިއެއް ދެ ލަނޑު ކާމިޔާބުކޮށްދިން އިރު އެޓީމުގެ އަނެއް ލަނޑު ކާމިޔާބުކޮށްދިނީ ޔޫސުފް އެވެ. މި މެޗުގައި ކޮތައިފަރުގެ ކަނޑުތައް ކަމިޔާބުކޮށްދިނީ މުހައްމަދު އީމާން އާއި މުހައްމަދު ގުސައްޔުއެވެ. އަދި މި މެޗުގެ މޮޅުކުޅުންތެރިއަކަށް ހޮވުނީ ދަ ސްޓޭންޑާޑުގެ މުހައްމަދު އަރުމީން އެވެ.

މާދަމާރޭ ވެސް މި މުބާރާތުގެ ދެ މެޗު ކުޅުމަށް ހަމަޖެހިފައި ވާއިރު 21:00 ގައި ފަށާ ފުރަތަމަ މެޗުގައި ބައްދަލުކުރާނީ އަލީލާ ކޮތައިފަރު އާއި ކޯރާކޯރާ މޯލްޑިވްސް އެވެ. އަދި 22:00 ގައި ފަށާ ދެވަނަ މެޗުގައި ބައްދަލުކުރާނީ ރީތިފަރު އާއި އިންޓަކޮންޓިނަންޓަލް މާމުނަގަ އެވެ.