ދިވެހިރާއްޖެ އާއި ސައޫދީ އަރަބިއްޔާއާއި ދެ ގައުމުގެ ދެމެދުގައި އިގްތިޞާދީގޮތުން ގުޅުން ބަދަހި ކުރުމާއިމެދު މަޝްވަރާ ބައްދަލުވުމެއް ބާއްވައިފި އެވެ. 

މި ބައްދަލުވުން ކުރިއަށް ގެންގޮސްފައިވަނީ ސައޫދީ ޢަރަބިއްޔާގައި މިހާރު ކުރިއަށްދާ އިސްލާމިކު ޑިވެލޮޕްމަންޓް ބޭންކްގެ ސެމިނާރގެ ހަވާސާގެ ތެރެއިންނެވެ.

މި މަޝްވަރާ ބައްދަލުވުމުގައި ބައިވެރިވެވަޑައިގެންނެވީ ދިވެހި ރާއްޖޭގެ މާލީ ވަޒީރު އިބްރާހީމް އަމީރު އާއި ސައުދީ އަރަބިއްޔާގެ މާލީ ވަޒީރު މުހައްމަދު އަބްދުالله ޢަބްދުލްޢަޒީޒު އަލްޖަދްޢާން އެވެ. 

މި ބައްދަލުވުމާއި ގުޅިގެން ސަޢޫދީ ޢަރަބިއްޔާގެ މާލީ ވަޒީރު ކުރެއްވި ޓްވީޓެއްގައި ވަނީ، މި ބައްދަލުމުގައި ދިވެހި ރާއްޖެއާއި ސައޫދީ އާއި ދެމެދު އިގްތިޞާދީ ގޮތުންނާއި މާލީ ގޮތުން ގުޅުން އިތުރަށް ބަދަހި ކުރުމަށް ކުރެވޭނެ ކަންކަމާއި މެދު މަޝްވަރާ ކުރެވިފައިވާ ކަމަށް ވިދާޅުވެފައެވެ. 

ސައޫދީގައި ކުރިއަށްދާ އިސްލާމިކް ޑިވެލޮޕްމަންޓް ބޭންކްގެ މި ސެމިނާރ ވަރަށް ގިނަ ގައުމުތަކުގެ މާލީ ވަޒީރުންނާއި އިސް ފަރާތްތަކުން ވަނީ ބައިވެރިވެފައެވެ. 

މި ސެމިނާރ ގެ ތެރެއިން ފިނޭންސް މިނިސްޓަރު އަމީރު ވަނީ ޑިރެކްޓަރ ޓްރޭޑް ފައިނޭންސް އެންޑް ޕްރޮމޯޝަން ޑިޕާޓްމެންޓް އެޓް އިސްލާމިކް ޓްރޭޑް ފައިނޭންސް ކޯޕަރޭޝަން (އައިޓީއެފްސީ)، ހަނީ ސުންބޮލް އާއި ބައްދަލުކުރައްވާފައެވެ.

އެ ބައްދަލުކުރެއްވުމުގައި ރާއްޖެ އާއި އައިޓީއެފްސީއާ ދެމެދުގައި ގުޅުން ބަދަހިކުރެވިދާނެ ދާއިރާތަކާމެދު މަޝްވަރާކުރައްވާފައިވެއެވެ. މީގެ އިތުރުން ތަރައްޤީ އާއި އިގްތިޞާދުގެ ދާއިރާއިން ގުޅުން ބަދަހިކުރުމާމެދު ވަނީ މަޝްވަރާކުރައްވާފައެވެ. އަދި ދެ ފަރާތުން އެއްބަސްވާ ގޮތެއްގެ މަތިން އެކުގައި މަސައްކަތް ކުރުމަށް މަޝްވަރާކުރިއެވެ.