މަސްތުވާތަކެއްޗާއިއެކު ހައްޔަރުކުރި ޖަލު އޮފިސަރަށް މުއްދަތު ޖަހައިފި
މަސްތުވާތަކެއްޗާއި އެކު ހައްޔަރުކުރި ޖަލު އޮފިސަރަށް މުއްދަތު ޖަހައިފިއެވެ.
މަސްތުވާތަކެއްޗާއިއެކު ހައްޔަރުކުރި އޮފިސަރުގެ ބަންދަށް ކްރިމިނަލް ކޯޓުން ޖަހައިފައި ވަނީ 15 ދުވަހުގެ މުއްދަތެކެވެ. އޭނާގެ ބަންދާއި މެދު ގޮތެއް ނިންމުމަށް ކޯޓަށް ހާޒިރުކުރީ މިދިޔަ ހުކުރު ދުވަހު އެވެ.
ކ ހިންމަފުށީގައި ހުންނަ އައްސޭރި ޖަލަށް މަސްތުވާތަކެތި ވައްދަން މަސައްކަތްކުރި އޮފިސަރަކު ހައްޔަރުކުރިކަން ހާމަކޮށްފައިވަނީ މޯލްޑިވްސް ކަރެކްޝަނަލް ސާވިސްގެ ކޮމިޝަނަރ އޮފް ޕްރިޒަންސް އަހުމަދު މުހައްމަދުފުޅު އެވެ.
Advertisement
އެގޮތުން މިދިޔަ ހުކުރު ދުވަހު ކޮމިޝަނަރު ކުރެއްވި ޓުވީޓެއްގައި ވިދާޅުވެފައި ވަނީ އިންޓެލިޖަންސްއަށް ލިބުނު މަޢުލޫމާތަކަށް ދިވެހި ފުލުހުންގެ ޚިދުމަތާ ކަރެކްޝަންސް ސަރވިސް ގުޅިގެން ހިންގި އޮޕަރޭޝަނެއް ގައި އައްސޭރިޖަލަށް ވައްދަން މަސައްކަތް ކުރި މަސްތުވާތަކެތި ޖަލު އޮފިސަރަކާއި އެކު އަތުލައިގަނެ ފުލުހުންގެ ހައްޔަރަށް ގެންގޮސްފައިވާ ކަމަށެވެ.
އެއޮފިސަރު މިހާރު ވަނީ ވަޒީފާ އިން ސަސްޕެންޑް ކޮށްފައި ކަމަށްވެސް އެ ޓްވީޓުގައި ބުނެފައިވެއެެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
