ރާއްޖޭގައި ބާއްވާ އެންމެ ބޮޑު ރިސޯޓް ލީގު ފުޓްސަލް މުބާރާތުގެ އޮފިޝަލް މެރިން ޕްރޮޑަކްޓްސް ޕާޓްނަރަކަށް މެރިން މާސްޓާރސް ހަމަޖައްސައިފިއެވެ.

މުބާރާތުގެ އޮފިޝަލް މެރިން ޕާޓްނަރާއެކު ބޭއްވި ސޮއި ކުރުމުގެ ރަސްމިއްޔާތުގައި ބިގް ގޭމް މޯލްޑިވްސްގެ ފަރާތުން ސޮއިކުރެއްވީ ރިސޯޓް ލީގު 2023 ގެ ޕަބްލިކް ރިލޭޝަން އިސްމާއިލް މުފީދު (ބިއްލެ) އެވެ. މެރިން މާސްޓާރސް ގެ ފަރާތުން ސޮއިކުރެއްވީ ޝޯރޫމް މެނޭޖަރު އިބްރާހިމް ފަޒީލް އެވެ.

މެރިން މާސްޓާރސް އަކީ މާލޭގައި ފުޅާ ދާއިރާއެއްގައި ކަނޑު އުޅަނދު ފަހަރުތަކަށް ހާއްސަ ޕްރޮޑަކްޓްތައް ވިއްކަމުން އަންނަ "މެރިން އިކުއިޕްމެންޓްސްގެ ދަށުން ހުޅުމާލޭގައި ހުޅުވި ފިހާރައެކެވެ. މި ފިހާރަ ހުޅިވިފައި މިވަނީ މެރިން އިކުއިޕްމަންޓްސް އިން ކަނޑު އުޅަނދުތަކަށް ބޭނުންވާ ސާމާނު ފޯރުކޮށްދިނުމުގެ 15 އަހަރުގެ ތަޖުރިބާއާއި އެކު،  ކަސްޓަމަރުންނަށް ބޭނުންވާ އެންމެ ފުރިހަމަ ހިދުމަތް ފަސޭހަކަމާ އެކު ފޯރުކޮށްދިނުމުގެ ބޭނުމުގައެވެ.

Advertisement

މެރިން އިކުއިޕްމެންޓްސްގެ މާލޭގެ ފިހާރައިން ލިބޭ ތަކެތި މެރިން މާސްޓާރ ޝޯ ރޫމް އިން ވެސް އެއް އަގެއްގައި ލިބެން ހުންނާނެއެވެ. އަދި މެރިން މާސްޓަރ ޝޯވ ރޫމް އިން ލިބެންހުރި ބައެއް ސާމާނުތަކުގެ ތެރޭގައި ޖީޕީއެސް، ފިޝް ފައިންޑާ އިތުރުން މެރިންގަ ބޭނުންވާނެ ހާޑްވެއާ، އެންޓިފޯލިން، ސަމުގާ، ދުރުމި، ޑީސީ އިލެކްޓިކް ސާމާނު އަދި އެކި ވައްތަރުގެ ލައިޓްސް ހިމެނެއެވެ.

މިއަހަރުގެ މުބާރާތުގެ ނޯތު މާލޭ ޒޯނުގެ ކުޅުން، ވަން އެންޑް އޮންލީ ރީތިރަށުގައި މިއަދު ފެށިގެން ކުރިއަށް ދާއިރު، މި މުބާރާތް ހަތަރު މަސް ދުވަހަށް ދިގުދެމިގެންދާއެވެ. އަދި 8 ޒޯނަކަށް ބަހާލައިގެން ކޮންމެ ޒޯނެއްގައި ވެސް މުބާރާތް ކުރިއަށް ގެންދިއުމަށް ހަމަޖެހިފައިވަނީ އެއް ރިސޯޓެއްގައެވެ.

މި އަހަރުގެ މުބާރާތުގައި ވެސް 100 އަށްވުރެ ގިނަ މެޗު ކުޅުމަށް ހަމަޖެހިފައިވާއިރު، މުބާރާތުގެ ހުރިހާ މެޗެއް ލައިވް ސްޓްރީމް ކުރުމަށް ވަނީ ހަމަޖެހިފައެވެ. މީގެއިތުރުންވެސް މުބާރާތުގެ މެޗުތަކުގެ މެން އޮފް ދަ މެޗަށް ހޮވޭ ފަރާތަކަށް އެވޯޑްގެ އިތުރުން ފައިސާގެ އިނާމު ދިނުމަށް ވެސް ވަނީ ހަމަޖެހިފައެވެ.