ރައީސް އިބްރާހިމް މުޙައްމަދު ޞާލިޙްއަށް މިއަދު ޤައުމާއި ޕާޓީގެ މަސްލަޙަތުވެސް ނުހިފެހެއްޓުނު ކަމަށް ރާއްޖޭގެ ކުރީގެ ނައިބް ރައީސް ޑރ މުޙައްމަދު ޖަމީލް އަޙްމަދު ވިދާޅުވެއްޖެއެެވެ.
ޖަމީލް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
ޑރ ޖަމީލް ވިދާޅުވީ ކޮރަޕްޝަނުގެ ހާއްޔަކަށް މުޅި ދައުލަތް ގަންބާލި ރައީސް ޞާލިޙް ދޫކޮށްލާ އެތައް މެމްބަރުން ޕާޓީއިން ނިކުމެއްޖެ ކަމަށާއި ރައީސް އަށް މިއަދު ޤައުމާއި ޕާޓީގެ މަސްލަޙަތުވެސް ނުހިފެހެއްޓުނު ކަަމަށެވެ.
އަދި އިންތިޚާބު ބާއްވަން ރައީސް ޔާމީނުގެ ހުރިހާ ދައުވާތައް އަނބުރާގެނެސް މިނިވަން ކުރަންޖެހޭ ކަމަށް ޖަމީލް ވިދާޅުވިއެވެ.
ޑރ ޖަމީލް މިހެން ވިދާޅުވެފައި މިވަނީ އެމްޑީޕީގެ "ފިކުރެއްގެ ދިރުން" ފެކްޝަނަށް ނިސްބަތްވާ ގިނަ މެމްބަރުން ތަކެއް އެޕާޓީ އިން ވަކިވަމުންދާ ދަނޑިވަޅެއްގައެވެ.
އެމްޑީޕީގެ ސެކްރެޓިއޭޓުން ވަނީ އެޕާޓީގެ މެމްބަރު މެދުހެންވޭރު ދާއިރާގެ މެމްބަރު ޢަލީ ޢާޒިމް ޕާޓީ އިން ވަކި ކޮށްފައިވެއެެވެ.
އަދި މިއަދު ވަނީ އެފެކްޝަނަށް ނިސްބަތްވާ އިތުރު މެމަބަރުންތަކެއް ޕާޓީ އިން ވަކިވެފައެވެ.
Advertisement
This content is created and paid for by advertisers and does not involve Voice Journalists
