ސާފް ޗެމްޕިއަންޝިޕް 2023 ގެ ގުރުލުން މިއަދު ބޭއްވިއިރު، ގުރޫޕް ބީގައި ދިވެހިރާއްޖެ އާއިއެކު ލެބަނަން ވާދަކުރަން ޖެހިއްޖެ އެވެ.

އަންމަހު އިންޑިޔާގެ ބެންގަލޫރުގައި ފެށުމަށް ހަމަޖެހިފައިވާ ސާފް ޗެމްޕިއަންޝިޕް ފުޓްބޯޅަ މުބާރާތުގައި މި ސަރަހައްދުން ބޭރުގެ ދެ ގައުމަކަށް ދައުވަތުދީގެން ބައިވެރިކޮށްފައިވާ އިރު، މިފަހަރުގެ މުބާރާތުގައި ވާދަކުރާ މިސަރަހައްދުން ބޭރުގެ ދެޓީމަކީ ލުބުނާން އާއި ކުވެއިތު އެވެ.

މިއަދު ބޭއްވުނު ގުރުނެގުމުގެ ރަސްމިއްޔާތުގައި ދިވެހިރާއްޖޭ ލައްވާލި ގުރޫޕް ބީގައެވެ. މި ގުރޫޕްގައި ހިމެނެނީ ދިވެހިރާއްޖޭ، ލެބަނަން އަދި ބަންގުލަދޭޝްގެ އިތުރުން ބޫޓާން އެވެ. ގުރޫޕް އޭ ގައި އިންޑިޔާގެ 23 އަހަރުން ދަށުގެ ޓީމާއިއެކު ހިމެނެނީ ކުވައި އަދި ނޭޕާލް އިތުރުން ޕާކިސްތާނުގެ ގައުމީ ޓީމެވެ.

Advertisement

މީގެ ކުރިން ހަތަރު ފަހަރެއްގެ މަތިން ދިވެހިރާއްޖޭ އާއި ލެބަނަން ވާދަކޮށްފައި ވާއިރު، ހަތަރު މެޗުން ވެސް ދިވެހި ޓީމު ވަނީ ބައިވެރިވެފަ އެވެ. 2004 ވަނަ ވޯލްޑްކަޕް ކޮލިފައިންގައި ރަށުން ބޭރުގައި 3-0 ގެ ނަތީޖާއަކުން ރާއްޖެ ބަލިވިއިރު، މާލޭގައި ކުޅުނު މެޗުން ރާއްޖެ ބަލިވީ 5-2 ގެ ނަތީޖާއަކުންނެވެ. އޭގެ ފަހުން 2008 ވަނަ އެކުވެރިކަމުގެ މެޗެއްގައި ދެފަހަރެއްގެމަތިން ވާދަކުރިއިރު، ފުރަތަަމަ މެޗުން ލެބަނަން މޮޅުވީ 4-0 ގެ ނަތީޖާއަކުން ނަމަވެސް ދެވަނަ މެޗުގައި ވާދަވެރި ކުޅުމަކަށްފަހު ދިވެހި ޓީމު ބަލިވީ 2-1 ގެ ނަތީޖާއަކުންނެވެ.

މި އަހަރުގެ ސާފްޗެމްޕިއަންޝިޕްގެ ގުރޫޕް ސްޓޭޖުގެ ފުރަތަަމަ މެޗުގައި ޖޫން 22 ވަނަ ދުވަހު ދިވެހިރާއްޖޭގެ ނުކުންނާނީ ބޫޓާނާ ދެކޮޅަށެވެ. އަދި ދެވަނަ މެޗުގައި ޖޫން 25 ވަނަ ދުވަހު ބަންގްލަދޭޝްއާ ދެކޮޅަށް ކުޅޭ މެޗަށްފަހު ގުރޫޕްގެ ފަހުމެޗުގައި ލެބަނަން އާއި ދެކޮޅަށް ރާއްޖޭގެ ގައުމީ ޓީމު ނުކުންނާނީ ޖޫން 28 ވަނަ ދުވަހުއެވެ.

މުބާރާތުގެ ސެމީ ފައިނަލުގެ ދެ މެޗު ނުލައި އެއްވަނަ ދުވަހު ކުޅޭއިރު، ފައިނަލް މެޗު ކުޅުމަށް ހަމަޖެހިފައިވަނީ ނުލައި ހަތަރު ވަނަ ދުވަހުއެވެ.