ރާއްޖޭގެ ރިސޯޓް ދާއިރާގައި ބާއްވާ އެންމެ ބޮޑު ކުޅިވަރު ހަރަކާތް، ރިސޯޓް ލީގު ފުޓްސަލް މުބާރާތުގެ ނޯތު މާލޭ ޒޯނުގައި މިއަދު ހަވީރު ކުޅެވުނު ދެވަަނަ މެޗުގައި ގުރޫޕް "ސީ" ގައި އެންމެ ފަހުގެ ޗެމްޕިއަން ބަރޮސް ދެ ލަނޑުގެ ލީޑެއްގައި ވަނިކޮށް ފަހަތުން އަރައި އަށް ލަނޑު ކާމިޔާބުކޮށް ޖުމެއިރާ އިން އެޓީމު ލަދުގަންނަވާލައިފި އެވެ.

މެޗުގެ ފުރަތަަމަ ފުރަތަަމަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗުގައި ފުރަތަަމަ ލަނޑުޖަހައި ކުރިހޯދީ އެންމެ ފަހުގެ ޗެމްޕިއަން ބަރޮސް އެވެ. މެޗުގެ ކުރީކޮޅު ގާތްގާތުގައި ދެ ލަނޑު ކާމިޔާބުކޮށް އެޓީމުން މެޗުގެ ކޮންޓްރޯލް ހޯދި އިރު، މެޗުގެ ހަތަރު ވަނަ މިނެޓާއި ފަސްވަނަ މިނެޓްގައި މި ދެ ލަނޑުވެސް ކަމިޔާބުކޮށްދިނީ އެޓީމުގެ އަހުމަދު ތޮލާލް އެވެ.

ޖުމެއިރާގެ ފުރަ މީތަަމަ ލަނޑު މެޗުގެ އަށްވަނަ މިނެޓްގައި އަބްދުﷲ ޝަހުދު ކާމިޔާބުކޮށްދިންއިރު، ފުރަތަމަ ހާފު ނިމުމުގެ ކުރިން ބަރޮސް އިން އިތުރު ލަނޑެއް ކާމިޔާބުކޮށް އަނެއްކާވެސް ދެ ލަނޑުގެ ލީޑެއް ހޯދިއެވެ. މިލަނޑު ފުރަތަމަ ހާފުގެ 15 ވަނަ މިނެޓުގައި ކާމިޔާބުކޮށްދިނީ ހުސެއިން ވިފާގުއެވެ. ނަމަވެސް އޭގެ މިނެޓެއް ފަހުން ޖުމެއިރާ އިން ލަނޑެއް ކާމިޔާބުކޮށް ނަތީޖާގެ ފަރަގު ކުޑަކުރި އެވެ. އަދި ފުރަތަަމަ ހާފު ނިމުމުގެ ކުރިން ޖުމައިރާއަށް މެޗުގެ ނަތީޖާ އެއްވަރުކޮށްދިނީ މުހައްމަދު އިޝާން އެވެ  މިއާއެކު ފުރަތަަމަ ހާފުގެ ކުޅުން ނިމިގެންދިޔައީ 3-3 ގެ ނަތީޖާއަކުން ދެޓީމް އެއްވަރުވެފައި އޮވެގެންނެވެ.

Advertisement

ނަމަވެސް ދެވަަނަ ހާފްގައި ކުޅެން ނިކުމެ ޖުމައިރާއިން ވަނީ އެންމެ ފަހުގެ ޗެމްޕިއަން ބަރޮސް ސިއްސުވާލާފައެވެ. އެގޮތުން މި ހާފުގައި އެޓީމުން ވަނީ އިތުރު ފަސް ލަނޑު ކާމިޔާބުކޮށްފައެވެ.

ދެވަަނަ ހާފުގައި ޖުމައިރާގެ ހުސެއިން ސައިފް މޫސާ އަދި މުހައްމަދު މަހްމޫދު މިއިން ކޮންމެ ކުޅުންތެރިއެއް ދެ ލަނޑު ކާމިޔާބުކޮށްދިން އިރު އެޓީމުގެ އަނެއް ލަނޑު ކާމިޔާބުކޮށްދިނީ އަހުމަދު ސާއިން އިނާދު އެވެ. އަދި މި މެޗުގެ މޭން އޮފް ދަ މެޗަކަށް ހޮވިފައިވަނީ ޖުމައިރާގެ  މުހައްމަދު މަހްމޫދު އެވެ.