ނެސޯ ވަގުތު ފުޓްސަލް ޗެލެންޖް 2023ގެ ފުރަތަމަ ސެމީ ފައިނަލުގައި ފްރެންޑްސް ކުލަބާއި އެފްސީ އުސްގަނޑަ ވާދަކުރި މެޗުގައި މެޗުގައި އުސްގަނޑަ ޓީމުގެ އަޔާޒުއަށް ދެއްކި ރަތްކާޑު މުބާރާތުގެ ޑިސިޕްލިނަރީ ކޮމެޓީން ބާތިލްކުރުމުން އެކަމާއި މެދު މައިލޯ ސިޓީގެ މެނޭޖަރު ހިތްހަމަ ނުޖެހުން ފާޅުކޮށްފި އެވެ.
ވޮއިސް އަށް މައުލޫމާތު ދެމުން މުބާރާތުގެ ފައިނަލްގައި އެއްކޮޅުން ކުޅޭ މައިލޯ ސިޓީގރ މެނޭޖަރު ހަސަން ސަލީމް ބުނީ މުބާރާތުގެ ޑިސިޕްލިނަރީ ކޮމެޓީންގެ ނިންމުން ބަލައިނުގަންނަކަމަށާއި، އަޔާޒުއަށް ފައިިނަލުގައި ކުޅެވޭނެކަމަށް ގަބޫލު ނުކުރާާ ކަމަށެވެ.
އިތުރަށް ވާހަކަދައްކަމުން ސަލީމު ބުނީ މުބާރާތުގެ ސެމީފައިނަލް މެޗުތަކުގެ ކުރިން ޓީމުތަކުގެ ކެޕްޓަނުންނާއި މެނޭޖަރުން ބައިވެރިކޮށްގެން މުބާރާތް އިންތިޒާމް ކުރާ ފަރާތުން ބައްދަލުވުމެއް ބޭއްވިކަމަށާއި، އެބައްދަލުވުމުގައި އެފްސީ އުސްގަނޑަ ޓީމުގެ ފަރާތުން ސެމީގައި ކުޅުންތެރިޔަކަށް ދެ ރީނދޫ ކާޑު ހަމަވެގެން ފައިނަލަށް އެއްވެސް ކުޅުންތެރިއަކު ސަސްޕެންޑް ވެއްޖެ ނަމަ ކާޑު ދެއްކި ކުޅުންތެރިއާގެ ކުށުގެ ކުޑަބޮޑު މިނަށް ބެލުމަށްފަހު ފައިނަލުގައި ކުޅުމުގެ ފުރުސަތު ދިނުމަށް ފެންނަކަމަށް ހުށަހެޅި ކަމަށެވެ. ނަމަވެސް އެބައްދަލުވުމުގައި މުބާރާތުގެ ރެފްރީންގެ އިސްކޮށް ހުރި ބޭފުޅާ ވިދާޅުވި އެކަން އެގޮތަށް ނުކުރެވޭނެކަމަށް. އެހެންވެ މިނިންމުން ބަލައެއްނުގަނެވޭނެއެވެ.
މިކަމާއި ބެހޭގޮތުން ވޮއިސްއަށް މައުލޫމާތު ދިން ވަގުތުގެ އޮފިޝަލަކު ބުނީ މުބާރާތުގެ ޑިސިޕްލިނަރީ ކޮމެޓީން އަކީ މިނިވަން މުސްތަޤިއްލު ކޮމެޓީއެއް ކަމަށާއި އެ ކޮމެޓީގައި، ވަގުތުގެ އޮފިޝަލެއްގެ އިތުރުން ފުލުހުންގެތެރެއިން ބޭފުޅަކާއި އެފްއޭއެމް ގެ ސީނިއަރ ރެފްރީއެއްގެ އިތުރުން ގާނޫނީ ވަކީލަކާއި މުބާރާތް އިންތިޒާމް ކުރުމުގެ ކަންތައްތަކުގައި އަމަލީގޮތުން ހަރަކާތްތެރިވާ އެއް ބޭފުޅަކު ހިމެނޭ ކަމަށެވެ.
“މީގެ ކުރިން ބޭއްވުނު ހަތަރު މުބާރާތުގައިވެސް ޑިސިޕްލިނަރީ ކޮމެޓީގައި ތިބީ މުޅިންވެސް ވަގުތުގެ އޮފިޝަލުން ނަމަވެސް މިއަހަރު މުބާރާތުގައި ބައިވެރިވި ޓީމުތަކުގެ އެދުމުގެމަތިން މިނިވަން ކޮމެޓީއެއް އެކުލަވާލެވިފައިވަނީ” ވަގުތު ގެ އޮފިޝަލް ބުންޏެވެ.
މުބާރާތުގެ ޑިސިޕްލިނަރީ ކޮމެޓީންގެ ނިންމުމަށް ވަގުތުން އިޚްތިރާމް ކުރާކަމަށާއި، މުބާރާތުގެ ޓެކްނިކަލް ނިންމުންތައް ނިންމާނީ އެކަންކަމަށް ކަޑައެޅިފައިވާ ކަމުގެ ތަޖުރިބާކާރު ބޭފުޅުންނެވެ.
އިތުރަށް ވާހަކަ ދައްކަމުން ވަގުތުގެ އޮފިޝަލުން ބުނީ މުބާރާތުގެ ކަންތައްތައް ވީހާވެސް ފުރިހަމައަށް އިންސާފުވެރިކޮށް ކުރިއަށް ގެންދިއުމަށް ވަގުތުން ވަރަށް ބޮޑު އަހަންމިއްޔަތު ކަމެއް ދޭކަމަށާއި، އެކަމަށްޓަކައި ބޮޑު ހޭދައެއް ކުރަމުން އަންނަ ކަމަށެވެ.
ވަގުތު ފުޓްސަލް މުބާރާތަކީ ރާއްޖޭގައި ބާއްވާ އެންމެ އަގުބޮޑު ފުޓްސަލް މުބާރާތެވެ. އަދި މި މުބާރާތުގައި ރާއްޖެ އެންމެ މޮޮޅެތި ފުޓްސަލް ކުޅުންތެރިން ފެނިގެންދާއިރު، މިއީ އާންމުންގެ ބޮޑު ތަރުހީބެއް ލިބެމުން އަންނަ މުބާރާތެކެވެ. މި މުބާރާތުގެ ފައިނަލް މެޗު މާދަމާރޭ ކުޅުމަށް ހަމަޖެހިފައިވަނީ ފައިނަލުގައި ވާދަކުރާނީ އެފްސީ އުސްގަނޑަ އަދި މައިލޯ ސިޓީ އެފްސީ އެވެ.
Advertisement
This content is created and paid for by advertisers and does not involve Voice Journalists
