ދެކުނު ކޮރެއާގެ ޑައެގޫ ސިޓީގެ ބަކް ޑިސްޓްރިކްގައި އަޅަމުން ދިޔަ މިސްކިތެއްގެ މަސައްކަތް، އެޤައުމުގެ މުސްލިމުންނާއި ދެކޮޅަށް އަޑު އުފުލާބަޔަކު ހުއްޓުވައި، އެމިސްކިތުގެ ކުރިމައްޗަށާއި ގޯތި ތެރެއަށް އޫރުގެ ބޯ އަޅައިފިއެވެ.

2019 ވަނަ އަހަރު ދެކުނު ކޮރެއާއަށް ކޮމްޕިޔުޓަރ ސައިންސް އިން މާސްޓާސް ހެދުމަށް ދިޔަ ޕާކިސްތާނުގެ މުޢާޒް ރައްޒާޤް ބުނީ ދީނީ މިނިވަންކަން ބަލައިނުގަނެ މިހާބޮޑު ރުޅިވެރިކަމަކާއި ކުރި މަތިލާން ޖެހިދާނެ ކަމަށް އުންމީދުވެސް ނުކުރާ ކަމަށެވެ.

މިހާރު ކޮމްޕިޔުޓަރ ސައިންސް ގެ ދާއިރާއިން ޕީއެޗްޑީ އަށް ކިޔަވަމުން އަންނަ މުޢާޒް ބުނެފައިވަނީ ފުރަތަމަ އޭނާ އެޤައުމަށް ގޮސް އުޅެން ފެށުމުން އަވަށްޓެރިންގެ ތެރެއިން ގިނަ ބަޔަކު އޭނާގެ ހެދުން އެޅުމާއި، ހެދުން އެޅުމާއި، ދިގުކޮށްފައި ހުރި ތުނބުޅިޔާއި މިކަންކަމާއި މެދު ހައިރާން ވެ މިކަންކަމާއި މެދު އިތުރަށް ދެނެގަންނަން ބޭނުން ވި ކަމަށެވެ. މިކަމުގައި އެއްވެސް ނުރައްކަލެއް އަދި ޢަދާވާތްތެރި ކަމެއް އޭރު އިހްސާސް ކުރެވިފައި ނުވާ ކަމަށް އަލްޖަޒީރާ އާއި ވާހަކަ ދައްކަމުން އޭނާ ބުނެފައިވެއެވެ.

އެކަމަށް ބަދަލު އައީ އޭނާ އާއި އެކު އެއް ޔުނިވާސިޓީ އެއްގައި ކިޔަވަމުން އައި 150 އަކަށް މުސްލިމް ދަރިވަރުން، ޔުނިވާސިޓީގެ ދޮރަކާއި ގާތުގައި ހުރި، 2014 ގައި ބިނާ ކޮށްފައި ހުރި މިސްކިތެއް އައުކުރުމަށް ނިންމި ހިސާބުން ކަމަށް އަލްޖަޒީރާގައި ބުނެފައިވެއެވެ. 

މިސްކިތް އައުކުރުމުގެ ޕްލޭން ހެދުމާއި އެކިު އެތަނާއި އެ މުސްލިމް ދަރިވަރުން ވެގެންދިޔައީ އިސްލާމްދީނަށް ނަފްރަތު ކުރާ މީހުންގެ އަމާޒަކަށެވެ. މިސްކިތް އައު ކުރުމުގެ މަސައްކަތަށާ،  އަދި އެހެނިހެން ކަންކަމަށާ، މިސްކިތް ތަޅާލުމަށް ބޭނުންވާ ފައިސާ ދަރިވަރުން އެއްކުރިއެވެ.

އަދި މިމަސައްކަތަށް ބޭނުންވާ ހުއްދަތައް ހޯދުމަށް ފަސޭހަ ކުރުމަށް އެމިސްކިތާއި ޖެހި ގެން ހުރި ގެ ވެސް ދަރިވަރުން ގަތެވެ. އަދި ނަމާދު ކުރުމަށް ވަގުތީ ގޮތުން މިހާރު ބޭނުންކުރެވެމުން ދަނީ އެގޭގައި ނަމާދު ހޯލެއް ހަދައިގެންނެވެ.

ވަގުތީ ގޮތުން މުސްލިމް ދަރިވަރުން ނަމާދުކުރާ ތަން

2021 ވަނަ އަހަރުގެ ކުރީ ކޮޅު މިސްކިތުގެ އިމާރާތުގެ ސްޓްރަކްޗަރގެ މަސައްކަތް ނިމުމާއި އެކު ބުކް ޑިސްޓްރިކް އޮފީހުން ކުއްލިއަކަށް މަސައްކަތް ހުއްޓާލުމަށް އެންގި ކަމަށް އަލްޖަޒީރާގައި ބުނެފައިވެއެވެ. އަދި އެއީ އެސަރަހައްދުގައި ދިރިއުޅޭ މީހުންގެ ޝަކުވާ ތަކުގެ ސަބަބުން ކަމަށް ޑިސްޓްރިކް އޮފީހުން ބުނި ކަމަށްވެސް އަލްޖަޒީރާގައި ބުނެފައިވެއެވެ. އަދި ޝަކުވާ ތަކެއް ކަމަށް ބުނެފައިވަނީ ކައްކާއިރު ދުވާ ވެއެވެ.

މުޢާޒް ބުނެފައިވަނީ އެހާހިސާބުން ފެށިގެން މަގުތައް މަތީގައި ކަރުދާސްތައް ބަހަންފެށިކަމަށެވެ. އެކަރުދާސްތަކުގައި ބުނެފައިވަނީ އެސަރަހައްދު މާގިނަ ދުވަހެއް ނުވެ "ސްލަމް"  އަކަށް ބަދަލުވެދާނެ ކަމަށާއި، އެސަރަހައްދުން ވިއްކާ ގެތަކުގެ އަގު ވެއްޓިދާނެ ކަމަށާއި މުސްލިމް ދަރިވަރުންނާއި ދިމާއަށް ޓެރަރިސްޓުން ކިޔައި ނަފްރަތު އުފެދޭ ޒާތުގެ ވާހަކަތައް އާންމު ކޮށްފައި ވާކަމަށެވެ.

އޫރު މަހުގެ ބާބަކިޔު ޕާޓީއެއް މިސްކިތުގެ ކުރިމަތީގައި ބާއްވަނީ

މިފަދަ އިބާރަތްތައް ހިމެނޭ ބެނަރ ތައް  މަގުތަކުގައި ދަމައި، މިސްކިތްތަކުގެ ބޭރުގައި ރެލީ ބޭއްވުމުގެ ނަމުގައި އަޑުގަދަ ކޮށް ގަދަ މިޔުޒިކް ޖަހައި ހަދާކަމަށް އަލްޖަޒީރާގައި ބުނެފައިވެއެވެ. ކޮރެއާގެ އިންސާނީ ހައްޤުތައް ރައްކާތެރިކުރާ ޖަމިއްޔާ އިން ގޮވާލައިފައިވަނީ އިމާރާތުގެ މަސައްކަތް ކުރިއަށް ގެންދިޔުމަށެވެ.

އަދި 2022 ވަނަ އަހަރު ސްޕްރީމް ކޯޓުން ބުނެފައިވަނީ އިމާރާތް ކުރުން ހުއްޓާލަން އަމުރު ކުރީ ޤާނޫނާއި ޚިލާފަށް ކަމަށެވެ. ނަމަވެސް އޭގެ ފަހުންވެސް އިސްލާމްދީނުގެ ޢަދާވާތަތެރިންގެ އުނދަގޫތައް ހުއްޓާނުލައެވެ.

އޫރު މަހުގެ ބާބަކިޔު ޕާޓީތައް މިސްކިތުގެ ކުރިމައްޗަށް ވާހެން ބާއްވާ އޫރުގެ ބޯތައް މިސްކިތުގެ ކުރިމައްޗަށް ވާގޮތައް އަޅައިފައި ހުންނަ ކަމަށް އަލްޖަޒީރާގައި ބުނެފައިވެއެވެ. އިސްލާމްދީނާއި ދެކޮޅަށް މަސައްކަތަ ކުރާ ގްރޫޕުގެ އިސް ކޮށް އުޅޭ ކިމް ޖިއޮންގް ބުނެފައިވަނީ އެމީހުން ކުރަމުންދަނީ އެމީހުންގެ ނަފްސު ރައްކާތެރި ކުރުމުގެ މަސަކަތް ކަމަށެވެ.