ކުރިއަށް އޮތް ރިޔާސީ އިންތިޚާބަށް އެމްޑީޕީ އިން އެކުލަވައިލާ ރިޔާސީ މެނިފެސްޓޯ އަށް ރައްޔިތުންގެ ހިޔާލު ހޯދުމަށް އެމްޑީޕީގެ ޓީމުތަކުން ރަށްރަށަށް ދަތުރުތައް ފަށައިފިއެވެ.

އެގޮތުން ލީޑަރޝިޕްގައި ހިމެނޭ ބައެއް ބޭފުޅުންނާއި
މަޖިލީހުގެ އެމްޑިޕީ މެމްބަރުންނާއި ސަރުކާރުގެ އިސް މަގާމުތަކުގައި ތިއްބެވި ބައެއް ބޭފުޅުން، އަދި ޕާޓިގެ އެކި އެކި މަގާމުތަކުގައި ތިއްބެވި ބޭފުޅުން ހިމެނެއެވެ. 

މިއަދު އެމްޑީޕީން ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެ ޕާޓީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒް އިސްމާއިލް ވިދާޅުވީ ދާއިރާތަކުގެ ބޭފުޅުން އެ ދާއިރާތަކަށް ވަޑައިގެން އެމްޑީޕީގެ ހަރަކާތްތައް ކުރިއަށް ގެންދިއުމާ ގުޅޭ ގޮތުން މަޝްވަރާ ކުރައްވާނެ ކަމަށެވެ.

Advertisement

މީގެ އިތުރުން އެމްޑީޕީގެ ޗެއަރޕާސަންގެ ނައިބު އިބްރާހިމް ވަހީދު ވިދާޅުވީ ކުރިއަށް އޮތް ތިން ދުވަހު ރާއްޖޭގެ ހުރިހާ ރަށެއްގައި 1000 އެއްހާ މީހުން މެނިފެސްޓޯ އަށް ބޭނުންވާ މައުލޫމާތު ހޯދުމާއި މެމްބަރުން އިތުރު ކުރުމާއި އިތުރު ހަރަކާތްތަކުގައި އުޅޭނެ ކަމަށެވެ.

މި ދަތުރު ތަކުގައި ކުރިއަށް ދާނީ ރިޔާސީ މެނިފެސްޓޯ އަށް މައުލޫމާތު އެއްކުރުމާއި، ކޮންމެ ރަށެއްގައި އެމްޑިޕީގެ ދިދައެއް ނެގުމުގެ ހަރަކާތަކާއި، ދޮރުން ދޮރަށް ހަރަކާތްތަކުގެ އިތުރުން ޕޯސްޓާރ ހަރަކާތެއް ކަަމަށެވެ.

ފައްޔާޒު ވިދާޅުވީ މި ހަރަކާތްތަކަކީ ރިޔާސީ އިންތިޚާބަށް ތައްޔާރުވުމަށް ހިންގާ ހަރަކާތްތަކެއް ކަމަށެވެ.

އަދި މީގެ އިތުރުން ޕާޓީ އަށް މެމްބަރުން އިތުރުކުރުމާއި، ސިޔާސީ އިތުރު ހަރަކާތްތައް މިދަތުރު ތަކުގައި ކުރިއަށްދާނެ ކަމަށް ފައްޔާޒް ވިދާޅުވިއެވެެ.