ސައުދީ އަރަބިއްޔާގެ ސަރުކާރުން ރާއްޖޭގެ ދަރިވަރުންނަށް ދޭ ސްކޮލާޝިޕްތަކަކަށް ކުރިމަތި ލުމުގެ ފުރުސަތު ހުޅުވާލައިފި އެވެ.

ރާއްޖޭގައި ހުންނަ ސައުދީ އެމްބަސީން ބުނީ އެ ސްކޮލަޝިޕްތަކަކީ ފުލީ ފަންޑެޑް ސްކޮލަޝިޕް ތަކެއް ކަމަށާ، އެ ސްކޯލާޝިޕް މެދުވެރިކޮށް 11 ދާއިރާ އަކުން ކިޔެވުމަށް 350 އަށްވުރެ ގިނަ ދިވެހި ދަރިވަރުންނަށް ފުރުސަތު ލިބިގެންދާނެ ކަމަށެވެ. 

އެހެންކަމުން، ކުރިމަތިލާން ބޭނުންވާ ފަރާތްތަކުން އެ ފަރާތަކުން ކުރިއަށްދާން ބޭނުންވާ ދާއިރާއަކުން "ސްޓަޑީ އިން ސައުދީ" ވެބްސައިޓް މެދުވެރިކޮށް މިހާރު އެޕްލައި ކުރެވޭނެ ކަމަށް ސައުދީ އެމްބަސީން ބުނެ އެވެ.

1. ބިޒްނަސް މެނޭޖްމަންޓް

2. މީޑިއާ ފީލްޑްސް

3. ކޮމްޕިއުޓާ ސައިންސް ސްޓަޑީޒް

4. ލޯ ސައިންސް

5. އެޑިއުކޭޝަނަލް ސްޕެޝަލްޓީސް

6. ސޯޝަލް ސައިންސް

7. އެގްރިކަލްޗާ

8. އިކޮނޮމިކް އެންޑް ޕޮލިޓިކަލް ސްޓަޑީޒް

9. އިންޖިނޭރިން މޭޖާ

10. އިސްލާމިކް ސްޓަޑީޒް ފީލްޑް

11. އަރަބިކް ސްޓަޑީސް އެންޑް އަދާފީލްޑްސް އޮފް ފޮރިން ލޭންގުއޭޖް

މިހާރުވެސް ސައުދީގެ ދުނިޔޭގެ 170 އަށްވުރެ ގިނަ ގައުމުތަކުގެ ދަރިވަރުން ސައުދީ އަރަބިއްޔާއިން އަންނަނީ ތައުލީމު ހާސިލު ކުރަމުންނެވެ. އެގޮތުން އެ ގައުމުގެ ޔުނިވާސިޓީތަކުގައި 50،000 އަށްވުރެ ގިނަ އިންޓަނޭޝަނަލް ދަރިވަރުން ތައުލީމު ހާސިލުކުރަމުން އެބަދެ އެވެ.