ބޭނުންވެވަޑައިގެންނެވީ މަޖިލީހުގެ ނައިބު ރައީސް އަދި ގަލޮޅު އުތުރު ދާއިރާގެ މެންބަރު އީވާ އަބްދުالله މަޖިލީހުގެ ނައިބު ރައީސް ކަމަށް ގެންނަން ނޫން ކަމަށާއި އެހެނެއް ކަމަކު އީވާގެ ކިބައިން އެދިލެއްވީ މަޖިލިސް ރައީސް ކަމަށް އައުމަށް ކަމަށް ހުލުމާލެ ދާއިރާގެ މަޖިލިސް މެމްބަރު އަލީ ނިޔާޒް ވިދާޅުވެއްޖެއެވެ.

ނިޔާޒަށް ޑިމޮކްރަސީގެ ތިއަރީ ނޭނގޭ ކަމަށް އިއްޔެގެ މަޖިލީހުގެ ޖަލްސާގައި އީވާ ވިދާޅުވުމާއި ގުޅިގެން އެކަމަށް ރައްދު ދެއްވައި ކުރެއްވި ޓްވީޓެއްގައި ވިދާޅުވީ އޭނާ އަކީ އެއްވެސް އިރެއްގައި އިވާ މަޖްލިސް ނައިބު ރައީސްކަމަށް ގެންނަން ބޭނުންވި މީހެއްނޫން ކަމަށެވެ. އަދި އޭނާ އީވާގެ ކިބައިން އެދުނީ މަޖްލިސް ރައީސް ކަމަށް އައުމަށް ކަމަށްވެސް ނިޔާޒް ވިދާޅުވި އެވެ. 

"އަޅުގަނޑަކީ އެއްވެސް އިރެއްގައި އިވާ މަޖްލިސް ނައިބް ރައީސްކަމަށް ގެންނަން ބޭނުންވި މީހެއްނޫން، އަޅުގަނޑު އީވާގެ ކިބައިން އެދުނީ މަޖްލިސް ރައީސް ކަމަށް އައުމަށް، ވަރަށް ގިނަ ސަބަބުތައް އޮތީމަ، އެކަން އިވާ އަށް ކިޔާދިނިން، އޭރުވެސް ތަބާވީ ޕާޓީގެ މެޖޯރިޓީ އަށް، މިފަހަރުވެސް އެގޮތައް" ނިޔާޒްގެ ޓްވީޓުގައި ވިދާޅުވެފައިވެއެވެ.

އީވާ މަޖިލީހުގެ ނައިބު ރައީސް ކަމުން ވަކިކުރުމަށް އެމްޑީޕީގެ ޕާލިމެންޓަރީ ގްރޫޕުން ވަނީ މިހާރު ހުށައަޅައިފައެވެ. 50 މެމްބަރުންގެ ސޮޔާއި އެކު މި ޤަރާރު ހުށައަޅައިފައިވާއިރު އެމްޑީޕިގެ 49 މެމްބަރަކާއި މިނިވަން 1 މެމްބަރަކު ވަނީ މި ޤަރާރުގައި ސޮއިކުރައްވާފައި ވެއެވެ.