ޢަޟްހާ ޢީދުގައި މާލެ ސިޓީ ކައުންސިލުން 100 ބަކަރި ކަތިލައި ބެހުމަށް ހަމަޖެހިފައިވާކަމަށް އެކައުންސިލުން ބުނެފިއެވެ.
މާލޭ ސިޓީ ކައުންސިލުން މިފަދައިން ނިންމާފައިވަނީ އެ ކައުންސިލްގެ 4 ވަނަ ދައުރުގެ 103 ވަނަ ރަސްމީ ޢާއްމު ޖަލްސާގައެވެ.
އެ ބައްދަލުވުމުގައި މާލޭގެ މޭޔަރު ޑރ. މުހައްމަދު މުޢިއްޒު ވިދާޅުވީ މިދިޔަ އަހަރުގެ ބޮޑު ޢީދުގައި އުރީދޫއާ ގުޅިގެން ކުޑަ ސްކޭލެއްގައި އުޟްހިޔާ ކަތިލުމުގެ މަސައްކަތް އެ ކައުންސިލުން ކުރި ކަމަށެވެ. ނަމަވެސް އޭގެ ބަދަލުގައި މި އަހަރު ގިނަ ސްޕޮންސަރުން ހޯދައިގެން ވަރަށް ފުޅާކޮށް އެކަން ކުރަން ބޭނުންވާ ކަމަށް މޭޔަރު ވިދާޅުވިއެވެ.
އެ ބައްދަލުވުމުގައި ވާހަކަ ދައްކަވަމުން މެދުހެންވޭރު ދާއިރާގެ ކައުންސިލަރު އާދަމް ރަމީޒް ވިދާޅުވީ މި އަހަރުގެ އަޟްހާ އީދުގައި 100 ބަކަރި ކަތިލަން ސިޓީ ކައުންސިލުން ޕްލޭން ކޮށްފައިވާ ކަމަށެވެ.
އަދި މިހާރު މަސައްކަތް ކުރަމުން ދަނީ ސްޕޮންސާގެ ގޮތުގައި، ފައިސާގެ އެހީ ލިބޭތޯއެވެ.
Advertisement
This content is created and paid for by advertisers and does not involve Voice Journalists
