ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ މަންމަ އާއި ބައްޕަ އަލަށް އުފެއްދުމަށް މަސައްކަތް ކުރަމުން އަންނަ ޕާޓީ "ދަ ޑިމޮކްރެޓްސް" އަށް ސޮއިކުރައްވައިފިއެވެ.
ރައީސް ނަޝީދުގެ މަންމަ އާއި ބައްޕަ މިހާތަނަށް ތިއްބެވީ އެމްޑީޕީގައެވެ.
އެމްޑީޕީ ދޫކޮށް ރައީސް ނަޝީދުގެ ސަޕޯޓަރުންނާއި، ރައީސް ނަޝީދުގެ އާއިލާގެ ބައެއް ބޭފުޅުން އެމްޑީޕީ ދޫކޮށް އައު ޕާޓީ އާއި ގުޅެމުން ދާއިރު ރައީސް ނަޝީދު ހުންނެވީ އެމްޑީޕީގައެވެ.
އެމްޑިޕީގެ އެތެރޭގެ އިންތިޚާބަށް ފަހު އުފެދިގެން ދިޔަ "ފިކުރެއްގެ ދިރުން" ފެކްޝަނުން އުފައްދަން މަސައްކަތް ކުރަމުން ދާ "ދަ ޑިމޮކްރެޓްސް" އިން ރިޔާސީ އިންތިހާބުގައި ވާދަކުރާނެ ކަމަށް ވަނީ އިއުލާނުކޮށްފައެވެ. ނަޝީދަށް ތާއީދު ކުރާ މަޖިލީހުގެ 12 މެމްބަރަކުން ވަނީ އެމްޑީޕީއިން ވަނީ އާ ޕާޓީއާއި ގުޅިފައެވެ.
އިލެކްޝަނުން ޕާޓީ އުފައްދަން ދިން ހުއްދައާއިއެކު ޕާޓީ އުފެއްދުމަށް ހަމަކުރަންޖެހޭ 3،000 މީހުންގެ ސޮއި ހަމަކުރުމުގެ މަސައްކަތް އެޕާޓީ އިން ދަނީ ކުރަމުންނެވެ. ނަމަވެސް އަދި ޢަދަދު ހަމަވިކަން ޕާޓީ އިން އިއްލާނު ކޮށްފައެެއް ނުވެއެވެ.
Advertisement
This content is created and paid for by advertisers and does not involve Voice Journalists
