ތުރްކިޔޭގެ ވާދަވެރި ރިޔާސީ އިންތިޚާބުގެ ދެވަނަ ބުރުގެ ވޯޓުލުން ފެށިގެން ކުރިއަށް އެބަދެއެވެ.
މި އިންތިޚާބުގެ ދެވަނަ ބުރުގައި ވަދަކުރަމުނަ ދަނީ ތުރްކިޔޭގެ މިހާރުގެ ރައީސް ރަޖަބް ޠައްޔިބް އުރްދުޣާން އާއި އިދިކޮޅުގެ މައި ލީޑަރު ކަމަށްވާ ކަމަލް ކިލިކްޑަރޮގްލޫ އެވެ.
މި އިމްތިޚާބުގައި ވޯޓުލުމަށް 64.1 މިލިއަން މީހުން ރަޖިސްޓަރ ކޮށްފައިވެއެވެ.
މެއި 14 ގައި ބޭއްވި އިންތިޚާބުގެ ފުރަތަމަ ބުރުގައި ޤާނޫނު ހަދާ މަޖިލީހުގެ މެޖޯރިޓީ ކާމިޔާބު ކޮށްފައިވަނީ އުރްދުޣާންގެ ޕާޓީ ޕީޕަލްސް އެލަޔަންސް އިންނެވެ.
ރިޔާސީ އިންތިޚާބުގައި ގޮތެއް ނިމޭނީ މިއަދު ކުރިއަށް މިދާ އިންތިޚާބުގެ ދެވަނަ ބުރު ނިމުމާއި އެކުއެވެ. އިންތިޚާބުގެ ފުރަތަމަ ބުރުގައި އެއްވެސް ކެނޑިޑޭޓަކަށް ވޯޓުގެ 50 އިންސައްތަ ކާމިޔާބު ކުރެވިފައެެއް ނުވެއެވެ.
އުރްދުޣާން ތުރްކިޔޭގައި ވެރިކަން ކުރައްވާތާ 20 އަހަރު ވެއްޖެއެވެ. މި އިންތިޚާބު އުރްދުޣާން އަށް ކާމިޔާބު ކުރެވިއްޖެނަމަ 2028 ވަނަ އަހަރާއި ހަމައަށް ވެރިކަމުގައި ހުރެވޭނެއެވެ.
އިންތިޚާބުގެ ދެވަނަ ބުރާއި ހަމައަށް އައިރު އިންތިޚާބުގެ 3 ވަނަ އަށް އައި ކެނޑިޑޭޓު އަލްޓްރާ ނޭޝަނަލިސްޓް ސިޔާސީ ލީޑަރު ސިނާން އޮގަން، ވަނީ އުރްދުޣާން އަށް ތާއިދު ކުރައްވައިފައެވެ.
Advertisement
This content is created and paid for by advertisers and does not involve Voice Journalists
