މިއަދު ކުރިއަށްދިޔަ ތުރްކިޔޭގެ ރިޔާސީ އިންތިޚާބުގެ ދެވަނަ ބުރުގެ ވޯޓުގެ 52 އިންސައްތަ ރަޖަބް ޠައްޔިބް އުރްދުޣާން ހޯއްދަވައި ތުރްކިޔޭގެ ރިޔާސީ އިންތިހާބު ކާމިޔާބު ކުރައްވައިފިއެެވެ.
އިލެކްޝަންސްގެ ވަގުތީ ނަތީޖާ ދައްކާގޮތުން މިހާތަނަށް 96 އިންސައްތަ ފޮށީގެ ވޯޓު ގުނިފައިވާއިރު އުރްދުޣާން އަށް 52.3 އިންސައްތަ ވަނީ ކާމިޔާބުވެފައެވެ. އަދި ކިލިކްޑަރޮގްލޫ އަށް 47.7 އިންސައްތަ ވަނީ ކާމިޔާބު ވެފައެވެ.
ނަތީޖާ ތަކުން ދައްކަނީ އުރްދުޣާން އަށް އޮތް ތާއީދު ބޮޑުކަމެވެ. ވޯޓުގެ ނަތީޖާތައް މިހެން ދައްކަމުން ދާއިރު ތުރްކިޔޭގެ މަގުތައް މަތީގައި މިހާރުން ފެށިގެން އުރްދުޣާންގެ ސަޕޯޓަރުން ދަނީ އުފާ ފާޅު ކުރަމުންނެވެ.
އަރަބި އިސްލާމީ ޤައުމުތަކާއި ދުނިޔޭގެ އެހެން ޤައުމުތަކުގެ ލީޑަރުން މިހާރު ދަނީ އުރްދުޣާން އަށް މަރުހަބާ ކިޔަމުންނެވެ.
މި އިންތިޚާބު އުރްދުޣާން އަށް ކާމިޔާބު ވުމާއި އެކު އޭނާގެ 20 އަހަރުގެ ދައުރަށް އިތުރު 5 އިތުރު ވެގެން ދާނެއެެވެ. މިއީ ތުރްކިޔޭގެ ރައްޔިތުން އުރްދުޣާންގެ ވެރިކަން އިޚްތިޔާރު ކުރި 5 ވަނަ ފަހަރެވެ.
Advertisement
This content is created and paid for by advertisers and does not involve Voice Journalists
