ބަންޑާރަނައިބު އިބްރާހިމް ރިއްފަތުގެ އިތުބާރު ނެތްކަމުގެ މައްސަލަ ގުޅިފައިވާ ސިޔާސީ ޕާޓީތަކުން މަޖިލީހަށް ހުށަހެޅާފައި ވަނިކޮށް، އެކަމާ ދެކޮޅަށް އެމްޑީޕީން ތްރީލައިންވިޕެއް ނެރެފިއެވެ.

ރިފްއަތް ވަކިކުރުމާ ދެކޮޅަށް ތްރީލައިން ވިޕެއް ބެރެފައި ވަނީ މިއަދު ކުރިއަށް ދިޔަ އެމްޑީޕީ ޖީޕީ ގްރޫޕްގެ ބައްދަލުވުމުގައެވެ.

ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ މެމްބަރ އަދި އެމްޑީޕީ ޕީޖީ ގްރޫޕްގެ މެމްބަރު މުހައްމަދު އަސްލަމް މީގެ ކުރިން "ވޮއިސް" އަށް ވިދާޅުވީ، އެކަމާ ގުޅިގެން އެމްޑީޕީ ޕާލަމެންޓްރީ ގްރޫޕުގެ ބައްދަލުވުމެއް އޭރު ނުބާއްވާ ކަމަށާއި ނަމަވެސް ތްރީލައިން ވިޕެއް ނެރޭނެ ކަމަށް ވަރަށް ބޮޑަށް އުންމީދު ކުރެވޭ ކަމަށެވެ.

Advertisement

"އެއީ އަބަދުވެސް ސަރުކާރުގަ ތިބޭ ސަރުކާރު ވަޒީރުންނާ ދެކޮޅަށް އަންނަ މައްސަލަތަކުގަ މީގެ ކުރީގެ އެމްޑީޕީ ސަރުކާރު 2008 ވަނަ އަހަރުން 2012 ވަނަ އަހަރާ ހަމަޔަށް އޮތް އިރުވެސް ވަޒީރެއްގެ އިރުބާރު ނެތްކަމުގެ މައްސަލައެއް ވެއްޖެއްޔާ ތްރީލައިން ވިޕް ނެރެފަ ހުރީ އެކަމާ ދެކޮޅަށް" އަސްލަމް ވިދާޅުވިއެވެ.

ރިއްފަތުގެ އިތުބާރު ނެތްކަމަށް ކަނޑައަޅާ އޭނާގެ އިތުބާރު ނެތްކަމުގެ މައްސަލަ މަޖިލީހަށް ހުށައަޅަން ނިންމާފައިވަނީ ދިވެހިރާއްޖެއާއި ރާއްޖޭގެ ދެކުނުން އޮންނަ ޗާގޯސް އާއި ދެމެދު ފުށުއަރާ ސަރަހަދެއް އޮތްކަމަށް ބުނެ މޮރިޝަސްއިން އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އަށް ހުށައެޅި މައްސަލައިގައި ދައުލަތުގެ ބަންޑާރަނައިބު ވަކާލާތުކޮށްފައިވަނީ ރާއްޖެއާއި ރައްޔިތުންގެ މަސްލަހަތު އިސްކޮށްގެން ނޫންކަން ފެންނަންހުރި ހެކިތަކުން ސާފުވާތީކަމަށް މަޖިލީހުގައި ހަރަކާތްތެރިވާ ގިނަ ސިޔާސީ ޕާޓީތަކުން ވަނީ ބުނެފައެވެ. 

ފޯޅަވަހި މައްސަލައިގައި ސަރުކާރުން އަމަލުކޮށްފައިވަނީ ޤާނޫނު އަސާސިއާއި ޚިލާފަށްކަމަށް ޤަބޫލުކުރާ ސިޔާސީ ޕާޓީތައް ވަނީ އެ މައްސަލައިގައި ގުޅިގެން ކުރިއަށް ދިއުމަށް އިއްތިހާދެއް އެކުލަވާލާފަ އެވެ. އެ ޕާޓީތަކުގެ ތެރޭގައި ހިމެނެނީ ޕީޕީއެމް-ޕީއެންސީ ކޯލިޝަނާއި، އެމްޑީޕީގެ ރައީސް މުޙައްމަދު ނަޝީދު ފިކުރެއްގެ ދިރުމާއި، ޖުމްހޫރީ ޕާޓީ އާއި އަދި އެމްއެންޕީއެވެ.