ފަނޑިޔާރުންގެ ޖަމިއްޔާގެ ރައީސް ކަމަށް އަނެއްކާވެސް، ސްޕްރިމް ކޯޓުގެ ފަނޑިޔާރު އަލްއުސްތާޒް ހުސްނުއްސުޢޫދު އިންތިޚާބު ވެވަޑައިގެންފިއެވެ.

ފަނޑިޔާރުންގެ ޖަމިއްޔާގެ ރައީސް ކަމުގައި މިހާރުވެސް ހުންނެވި ހުސްނުއްސުޢޫދު އެމަގާމަށް އަލުން އިންތިޚާބު ވެވަޑައިގަތީ އެމަގާމަށް ކުރި މަތިލުމަށް ހުޅުވާލުމުން އެމަނިކުފާނު ފިޔަވައި އެހެން ބޭފުޅަކު ކުރިމަތި ލައްވައި ފައިނުވާތީއެވެ.

ރައީސް ކަމަށް ހުސްނުއްސުޢޫދު އިންތިޚާބު ވެ ވަޑައިގަތުމުގެ އިތުރުން އެ ޖަމިއްޔާގެ ނައިބު ރައީސް ކަމަށް ޖުވެނައިލް ކޯޓުގެ ގާޒީ މުޙައްމަދު ޢީސާފުޅު އިންތިޚާބުވެވަޑައިގަތްއިރު, ސެކްރެޓަރީ ޖެނެރަލްގެ މަގާމަށް އިންތިޚާބުވެވަޑައިގަތީ ރ.ޖުޑީޝަލް ދާއިރާގެ އިސް މެޖިސްޓްރޭޓް މުޙައްމަދު ޞާދިޤެވެ.

Advertisement

އަދި އިންތިޒާމް ސެކްރެޓަރީ ޖެނެރަލްގެ މަގާމަށް ށ.ޖުޑީޝަލް ދާއިރާގެ އިސް މެޖިސްޓްރޭޓް ޙަސަން ޝިޔާމް އިންތިޚާބު ވެވަޑައިގެންފައި ވާއިރު، ޚަޒާންދާރުގެ މަގާމަށް އިންތިޚާބުވެވަޑައިގަތީ ސިވިލް ކޯޯޓުގެ ގާޒީ އަޙްމަދު ރަޝީދެވެ.

ތަރުޖަމާނަކަށް އިންތިޚާބުވެވަޑައިގަތީ އެ ކޯޓުގެ ގާޒީ ފަރުހާދު ރަޝީދެވެ.