މޯލްޑިވިއަން ޑިމޮކްރެޓިކް ޕާޓީ އިން އެޕާޓީގެ މައި ހަރުގެ ހިންގަމުން ދިޔަ ތަން އަތުލުން ހުއްޓުވަން އަމުރު ހޯދުމަށް ސިވިލް ކޯޓަށް ހުށައެޅުމުން އެކޯޓުން އެގޮތަށް އަމުރު ނެރެދިނުމާއި ދެކޮޅު ހަދައިފިއެވެ.

ހެންވޭރު އާޓިފިޝަލް ބީޗު ކުރިމަތީގައި ހުންނަ އެބިން ހަރުގެ ހިންގުމަށް އެޕާޓީ އަށް ދޫކުރީ އެޕާޓީގެ ކުރީގެ މެންބަރު ޝަފިއްޔާ ޒުބައިރެވެ. ކުއްޔަށް ދިނުމަށް ހެދުނު އެގްރިމެންޓްގައި ވާ މުއްދަތު ހަމަވި ނަމަވެސް މިއަހަރު އޮންނަ ރިޔާސީ އިންތިޚާބުގެ ކަންކަން ނިމުމާއި ހަމައަށް އެތަން ބޭނުންކުރުމުގެ ހުއްދަ އަނގަބަހުން ޝަފިއްޔާ ދީފައި ވާކަމަށް އެމްޑީޕީ އިން ވަނީ ބުނެފައެވެ.

އެމްޑީޕީ ދެފެކްޝަނަށް ބައިވެ، ޙިޔާލު ތަފާތުވުންތައް އިތުރުވެފައި އޮތް ދަނޑިވަޅު، 31 މާޗް ގައި ބިމުގެ ވެރިފަރާތުން ވަނީ ހަރުގެ ހިންގަމުން ދިޔަ ބިން އަތުލައިފައެވެ.

Advertisement

އަދި ފަހުން ފެނިގެން ދިޔައީ އަލަށް އުފައްދައި ރަޖިސްޓަރ ކުރުމަށް މަސައްކަތް ކުރަމުން އަންނަ ދަ ޑިމޮކްރެޓްސް ގެ ހަރަކާތްތައް ހިންގުމަށް އެތަނުގެ ބޭނުން ކުރަން ފެށުނު މަންޒަރެވެ.

އެތަނުގައި ހުރި ރައީސް ޞާލިޙްގެ ބެނާތަކާއި ޕޯސްޓަރު ތައް ނައްޓައި ތަނުގެ ކުލަ ދަ ޑިމޮކްރެޓްސް ގެ ކުލަ ކަމަށް ވާ މަޑު ނޫކުލައަށް ބަދަލު ކުރުމުގެ މަސައްކަތަ ވެސް ވަނީ ފަށައިފައެވެ.
އެމްޑީޕީއިން ބުނެފައިވަނީ މިއީ، ސިވިލް ކޯޓުގައި އޮތް ޝަރީއަތް ނިމުމުގެ ކުރިން ޕާޓީގެ މުދަލަށް ގެއްލުން ދިނުން ކަމަށެވެ.