މެނިފެސްޓޯގައި ހުރި ކަންކަން ނުކުރީ ސާފުނުވެގެނެއް ނުވަތަ ރަނގަޅު ނުވެގެނެއް ނޫން ކަމަށް އެސްޓީއޯގެ ކުރީގެ އެމްޑީ ހުސެއިން ޢަމްރު ވިދާޅުވެއްޖެއެވެ.

ޢަމްރު މިހެން ވިދާޅުވީ އިއްޔެ މަޖިލީހުގައި، ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް ދެއްކެވި ވާހަކަފުޅު ތަކަކާއި ގުޅިގެނެވެ. އަސްލަމް އިއްޔެ މަޖިލީހުގައި ވިދާޅުވެފައިވަނީ މަސްވެރިކަމާ ގުޅޭ ގޮތުން އެމްޑީޕީގެ މެނިފެސްޓޯގައި ލިޔެފައިވަނީ އެބޭފުޅާ އެއްބަސްވި ކަންތައްތަކެއް ނޫން ކަމަށާއި ތާއީދުވެސް  ނުކުރައްވާކަމަށެވެ.

އަަސްލަމްގެ މި ވާހަކަފުޅާއި ގުޅިގެން ޢަމްރު ވިދާޅުވީ ‏2018 ގެ އެމްޑީޕީ މެނިފެސްޓޯ ތައްޔާރުކުރަން ފެށީ އިންތިޚާބަށް އަހަރެއް ކުރިން ހުރިހާ ރަށެއްގެ ރައްޔިތުންގެ ޚިޔާލު ހޯދުމަށް އާންމު ބައްދަލުވުންތައް ބޭއްވުނު ކަމަށެވެ.

Advertisement

އަދި ޕާޓީ ކޮމިޓީތަކުން ބައްދަލުވުންތައް ބޭއްވި، ޤައުމީ މަޖިލިހުގަ މަޝްވަރާތައް ގެންދެވުނު ކަމަށާއި މެނިފެސްޓޯގައި ހުރިކަންކަން ޤައުމީ މަޖިލިހުން ފާސްކުރި ކަމަށެވެ. ހަމަ އެއާއި އެކު ކޮންގްރެސްގައި އެ މެނިފެސްޓޯ ތަންފީޒު ކުރަން ރިޔާސީ ޓިކެޓާ އެކީ ބޭފުޅަކާ ހަވާލުކުރެވުނު ކަމަށެވެ.

އަދި ހަމަ މިއާއިއެކު ކޯލިޝަން އެކުލަވާލުމާ އެކީ ޕާޓީތަކާ މަޝްވަރާ ކުރެވުނު ކަމަށާއި ކޯލިޝަން މެނިފެސްޓޯ ގައިވެސް މި ވައުދުތައް ހުންނާނެ ކަމަށެވެ.

"ކަން ނުކުރީ ސާފު ނުވެގެން ނުވަތަ ރަނގަޅު ނުވެގެނެއް ނޫން" ޢަމްރު ވިދާޅުވިއެވެ.

އިއްޔެގެ ޖަލްސާގައި އަސްލަމް ވިދާޅުވީ މަސްވެރިކަމުގެ ސިނާޢަތާއި ގުޅޭގޮތުން އެންޑީޕީން ތަައްޔާރުކޮށްފައިމިވާ މެނިފެސްޓޯގައި ގޮންޖެހުންތަކެއް އެބަހުރިކަމަށެވެ.

މަސްވެރި ކަމުގެ ސިނާޢަތާއި ގުޅިގެން އެމްޑީޕީ ކޯލިޝަންގެ މެނިފެސްޓޯގައި ވަނީ މަސްވެރިން ބާނާ މަސް ސީދާ ލަންކާާގެ މަކެޓަށް ވިއްކޭނެ އިންތިޒާމް ހަމަޖެއްސޭނެ ކަމަށާއި، އޯފްޝޯ ކަންކެލި ޖަގަހަ ގާއިމްކޮށް މަސްކިރޭނެ ގޮތް ހެދުމާއި، ގޭދޮށު މަސް ފެކްޓްރީ ގާއިމްކޮށް މަސް ޕްރޮސެސް ކުރެވޭނެ ގޮތް ހެދުމެވެ.