ދިވެހިރާއްޖޭގެ ކަނޑުން ބައެއް 45,000 އަކަށް ކިލޯމީޓަރު ދޫކޮށްލަމުން ބަންޑާރަ ނާއިބު އިބްރާޙީމް ރިފްޢަތު ހަގީގަތުގައި އެ ވިދާޅުވީ، ދިވެހިން އުޅެނީ ރާއްޖޭގެ ކަނޑުގެ ސަރަހައްދު ބޮޑުވެގެން ކަމަށާ، އެބައިން ދިވެހިންނަށް ބޭނުމެއް ނުވާ ކަމަށް ކަމަށް ކެންދޫ ދާއިރާގެ މެންބަރު ޢަލީ ހުސައިން ވިދާޅުވެއްޖެއެވެ. 

"ބާނަ ބާނަ ތިއްބާ ތިޔަ ވިއްކާލީ ކަނޑު" އެ ނަމުގައި ކާނިވާ ސަރަހައްދުގައި ރޭ ބޭއްވި ޖަލްސާގައި ވާހަކަ ދައްކަވަމުން އަލީ ހުސައިން ވިދާޅުވީ ދިވެހި މަސްކަނޑުން ބައެއް ގެއްލުމަކީ ދިވެހީންގެ ޝަރަފާއި ކަރާމާތާ ގުޅިފައިވާ ކަމެއް ކަމަށާ އެކަމާއި ދެކޮޅަށް ކުރަން ޖެހުނު ކޮންމެ މަސައްކަތެއް ކުރައްވާނެ ކަމަށެވެ.
އަދި 1996 ވަނަަ އަހަރު އޭރުގެ ރައީސުލްޖުމްހޫރިއްޔާ ތަސްދީގު ކުރައްވާފައި އޮތް ނިންމުމެއް އެބައޮތް ކަމަށާ އެއީ ރާއްޖޭގެ އިގްތިސާދީ ސަރަހައްދަކީ 200 ނޯޓިކަލް މޭލް ކަމުގައި ކަނޑައަޅާ، ގާނޫނުގައި އެކަން ސާފުކޮށް ބަޔާން ކުރުން ކަން ފާހަގަކުރައްވައި އަލީ ވިދާޅުވީ މިހާރުގެ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވެސް އެ ގާނޫނަށް ވޯޓު ދެއްވާފައި އެބައޮތް ކަމަށެވެ. 

އަލީ ހުސެއިން އިތުރަށް ވިދާޅުވީ އިޓްލޮސްގެ ނިންމުމާއި ހިސާބުން ކަރުއެލުވާލައި އުންމީދު ކަނޑާލާކަށް ނުޖެހޭ ކަމަށާ އެ މައްސަލާގައި ދިވެހިންނަށް ކުރެވޭނެ ކަންތައް އަދި ކުރާނެ ކަންތައް ލައްކަ ބައިވަރު އެބަހުރި ކަމަށް ވިދާޅުވިއެވެ.

އަލީ ހުސައިން ވިދާޅުވީ، ދިވެހިރާއްޖޭގެ ބަންޑާރަ ނާއިބުގެ ޒިންމާ އަކީ ދިވެހިންގެ ހައްގުގައި ގާނޫނު ދިފާއުކުރުން ކަމަށެވެ. އެހެންނަމަވެސް، ހަގީގަތުގައި ރާއްޖެއިން މޮރިޝަސް އަށް އެ ފޮނުވި ސިއްރު ސިޓީއާއި އެކު އެ ވިދާޅުވީ ރާއްޖޭގެ ކަނޑުން ބައެއް ގެންދާށޭ ކަމަށްވެސް އޭނާ ވިދާޅުވި އެވެ. 

އަލީ ހުސެއިން ވިދާޅުވީ އޭނާއަކީވެސް މި ސަރުކާރު ގެނައުމަށް ވަރަށް ބުރަކޮށް މަސައްކަތް ކުރި ބޭފުޅެއް ކަމަށާ މި ސަރުކާރު ގެނައީ ފޮތިފޮތި ކޮށްފައި މަސްކަނޑުތަކާއި ބިންތައް ބޭރުގެ ފަރާތްތަކަށް ވިއްކަން ނޫން ކަމަށެވެ. އަދި މި ސަރުކާރުގެ ގެނައީ ދިވެހި ރާއްޖޭގެ އަބުރާއި އިއްޒަތާއި ޝަރަފާ ކަރާމާތް ވެއްޔާ މޮޑެލާކަށް ނޫން ކަމަށްވެސް ވިދާޅުވިއެވެ. މި ސަރުކާރުގެ ފަރާތްތަކަށް މަސްއޫލިއްޔަ އަދާނުކުރެވޭ ކަމަށްވާނަމަ މަގާމުން އެއް ކިބާވުމަށް އަލީ ހުސެއިން ގޮވާލެއްލެވިއެވެ.

ރޭގެ ޖަލްސާއަށް އަލީ ހުސައިން ވަޑައިގެންފައިވާއިރު، އެ ޕަޓީގެ ލީޑަރު ގާސިމް އިބްރާހިމް ވަނީ ޖަލްސާ އަށް ވަޑައި ނުގެންނެވުމަށް ޕާޓީގެ އެންމެހައި މެންބަރުންގެ އަރިހުން އެދިވަޑައިގެންފައެވެ.