ޖާހު އިންވެސްޓްމަންޓުން އިމާރާތް ކުރަމުންދާ ހައުސިންގ މަޝްރޫޢު ނިންމުމަށް އެކުންފުންޏަށް 30 ދުވަހުގެ ނޯޓިސް އެއް ދީފައިވާ ކަމަށް އަރބަންކޯ އިން ބުނެފިއެވެ.

އަރބަންކޯއިން ބުނީ 2017 ވަނަ އަހަރު ހުޅުމާލޭގައި މެދުފަންތީގެ ހައުސިންގ މަޝްރޫޢު ހިންގުމަށް ޖާހު އިންވެސްޓްމަންޓާއި ހަވާލު ކުރެވިފައިވާ މަޝްރޫޢު ނުނިމި ގިނަ ދުވަސްތަކެއް ވެފައިވާކަމަށެވެ. 

މި މައްސަލަ އިތުރަށް ބެލުމަށް ފަހު ޖާހު އިންވެސްޓްމަންޓަށް މަސައްކަތް ނިންމުމަށާއި، އަރބަންކޯއަށް ދައްކަން ޖެހޭ ބިމުގެ އަގު ދެއްކުމަށް 30 ދުވަހުގެ މުއްދަތެއް ދީ ނޯޓިސް ވަނީ އެފަރާތަށް މިހާރު ދެވިފައިވާ ކަމަށް އަރބަންކޯއިން ބުނެއެވެ.

Advertisement

އަދި މިގޮތަށް ނޯޓިސް ދިނުމުގެ ކުރިން، އެކި ފަހަރުމަތިން މަސައްކަތްތައް ނިންމުމަށް ގިނަ ފުރުސަތުތަކެއް އެ ކޯޕަރޭޝަނުގެ ފަރާތުން ޖާހު އިންވެސްޓްމަންޓަށް ވަނީ ދެވިފައިކަން އެ ކޯޕަރޭޝަނުން ފާހަގަ ކުރެއެެވެ.

މި އަަހަރުގެ ޖެނުއަރީ މަހުގެ 3 ވަނަ ދުވަހު ޖާހު ކުންފުނީގެ 49 ބިދޭސީ މަސައްކަތް ތެރިއަކު މުސާރަ ނުދޭ މައްސަލައެއްގައި މަސައްކަތް ހުއްޓާލައި ހަޅުތާލުވެސް ކޮށްފައިވެއެވެ.