ބަންގާޅުގައި މަރުވި ދިވެހި ދަރިވަރު އަދި މޮޑެލް ރައުދާ އާތިފްގެ ބައްޕަ މުހައްމަދު އާތިފަށް ސިޔާސީ ޕާޓީއެއް ހެދުމުގެ ހުއްދަ އީސީން ދީފިއެވެ.

އީސީން ބުނީ، "ޖަސްޓިސް އެންޑް ޑިވެލޮޕްމެންޓް ޕާޓީ" ގެ ނަމުުގައި ސިޔާސީ ޕާޓީއެއް އުފެއްދުމުގެ ހުއްދަ މިއަދު ދީފައިވާ ކަމަށެވެ.

ޕާޓީ ހެދުމަށް ދިން ހުއްދައިގެ ލިޔުން އާތިފްއާ ހަވާލު ކޮށްދެއްވީ އިލެކްޝަންސް ކޮމިޝަންގެ ރައީސް ފުއާދު ތައުފީގެވެ.

Advertisement

އާ ޕާޓީއެއް ހަދަން މިއަދު ހުއްދަ ދީފައި ވާއިރު، މިދިޔަ މަހުގެ 24 ވަނަ ދުވަހު އީސީން ވަނީ "ދި ޑިމޮކްރެޓްސް"ގެ ނަމުގައިވެސް އާ ޕާޓީއެއް ހަދަން ހުއްދަ ދީފައެވެ.

ޑިމޮކްރެޓްސްއަކީ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު އިސްވެ ހުންނަވައިގެން އުފައްދެވި ފިކުރެއްގެ ދިރުން ގޮފިން އުފައްދަން ހުއްދަ ދީފައިވާ ޕާޓީއެވެ.

އެ ހުއްދަ ދިނުމަށްފަހު އީސީގެ ނައިބުރައީސް އިބްރާހިމް ހަބީބު ވިދާޅުވީ، ޕާޓީއަށް މަދުވެގެން 3000 މެމްބަރުން ހަމަކުރުމަށްޓަކައި ތިން މަސް ލިބިގެންދާނެ ކަމަށާއި އެ އަދަދަށް މެމްބަރުން ހަމަ ކުރުމުން ޕާޓީ އުފެއްދުމަށް ބާއްވާ ބައްދަލުވުމަށް އެ ޕާޓީއަށް ދައުވަތު ދޭނެ ކަމަށެވެ.

ދި ޑިމޮކްރެޓްސް އުފެއްދުމުގެ ހުއްދަ އިލެކްޝަންސްއިން ދީފައި ވާއިރު، އެ ޕާޓީން މިއަހަރުގެ ރިޔާސީ އިންތިހާބުގައި ވާދަކުރަންވެސް ވަނީ ނިންމާފައެވެ.