ފާރު ތަޅާލައިގެން ދެ އެޕާޓްމަންޓް އެއްކުރި ހިޔާ ޔޫނިއަންގެ ނައިބު ރައީސް ޝަމާލު އެތަން ކުރިން ހުރި ގޮތަށް ފާރު ރާނައިގެން ވަކިކުރަން އާބަންކޯއިން އިތުރު ވަގުތު ދީފިއެވެ.

އެއްބަސްވުމާ ޚިލާފަށް ޝަމާލް އަދި އާއިލާ މީހާކާއެކު ދެ އެޕާޓްމަންޓް އެއްކޮށްލައިގެން އުޅެނިކޮށް ފަޅާއެރުމުން އާބަންކޯ އިން ވަނީ އެ ދެތަނުގެ ވެރިފަރާތްވެސް 100،000 ރުފިޔާއިން ޖޫރިމަނާކޮށްފައެވެ.

އަދި ތަން ކުރިން ހުރި ގޮތަށް ހަދަން ދިން މުއްދަތު ހަމަވިއިރު ޖޫރިމަނާ ނުދައްކައި، ތަން އަލުން ރާނާފައެއްވެސް ނުވެއެވެ. އެހެންކަމުން އަރބަންކޯއިން ނިންމީ ތަން އަތުލުމަށެވެ.

Advertisement

ދެ އެޕާޓްމެންޓް އަތުލުމަށް އާބަންކޯ އިން ނިންމި ނިންމުން ހުއްޓުވަން އެ ދެފްލެޓްގެ ވެރިން ސިވިލް ކޯޓަށް ދިއުމުން  އެގޮތަށް އަމުރު ނެރެނުދެވޭނެ ކަމަށް ސިވިލްކޯޓުން ވަނީ ބުނެފައެވެ.

މިކަމުގައި އާބަންކޯއިން ނިންމީ ފާރު ރާނަން ފަށާތާ ހަފްތާއެއްގެ މުއްދަތު ދޭށެވެ. އަދި އެ ހަތް ދުވަވަހަށް ބެލުމަށް ފަހު ދޭން އެދުނު 3 މަހާއިމެދު ގޮތެއް ކަނޑައަޅަން އާބަންކޯއިން ވަނީ ނިންމާފައެވެ.

އެފަދައިން ފްލެޓްގެ އިންފާރު އެއްކޮށްކަހަލަ ގޮތަކަށް ތަޅާލައި ގުޅުވާލުމަކީ  25 ބުރީގެ ހިޔާ އިމާރާތައް ވެސް ބޮޑެތި ގެއްލުން ލިބޭނެ ކަމެކެވެ.