ތުރްކިޔޭގެ އަންކާރާ ކައިރީގައި ހުންނަ ފެކްޓްރީއެއްގައި ބާރުގަދަ ގޮވުމެއް ގޮވައި 5 މީހަކު މަރުވެއްޖެއެވެ.

އަންކާރާ ސިޓީގެ ބޭރުން 40 ކިލޯމީޓަރުގައި ހުންނަ މިފެކްޓްރީއަކީ ގޮވާތަކެއްޗާއި ރޮކެޓް ފަދަ ތަކެތި އުފައްދާ ފެކްޓްެރީއެއް ކަމަށް ތުރްކިޔޭގެ ނޫހެއް ކަމަށްވާ ޑެއިލީ ޞަބާހުން ބުނެއެވެ.

ތުރްކިޔޭގެ މިނިސްޓްރީ އޮފް ނެޝަނަލް ޑިފެންސް ފޯސް އިން ބުނެފައިވަނީ މި ބާރުގަދަ ގޮވުން ގޮވައިފައިފައިވަނީ އަންކާރާގެ އެލްމަދަގް ޑިސްޓްރިކްޓްގައި ހުންނަ މެކޭނިކަލް އެންޑް ކެމިކަލް އިންޑަސްޓްރީ ކޯޕަރޭޝަން ގެ ފެކްޓްރީއެއްގައި ކަމަށެވެ.

މި ބާރުގަދަ ގޮވުމުގެ ސަބަބުން މަރުވި 5 މީހުންނަކީ އެފެކްޓްރީގައި މަސައްކަތްކުރާ ފަސް މީހެކެވެ. ތުރްކިޔޭގެ ޑިފެންސް މިނިސްޓްރީއިން ޑެއިލީ ޞަބާހަށް ބުނެފައިވަނީ މިހާދިސާގެ ސަބަބު ދެނގަތުމަށް ދެފުއްފެންނަ ތަހުޤީޤެއް މިހާރު ފެށިފައިވާކަމަށެެވެ.

 ހާދިސާގައި 5 މީހަކު މަރުވީއިރު މިހާދިސާގެ ސަބަބުން ފެކްޓްރީ ހިންގާ އިމާރާތް ވެއްޓި ކޮންކްރިޓްތަކުގެ ދަށުގައިވެގެން ފެކްޓްރީގެ މަސައްކަތްތެރިމް ތަކަކަށްވަނީ އަނިޔާވެފައެވެ. އަދި އޭގެތެރެއިން އެއްބައެއްގެ ހާލު ދެރަކަަމަށާއި، އެމީހުން ހޮސްޕިޓަލް ތަކަށް ގެންގޮސް ފަރުވާދެވެމުންދާކަމަށް އަލްޖަޒީރާގައި ބުނެފައިވެއެވެ.

ހާދިސާ ހިނގި ސަބަބު ދެނެގަތުމަށް ތަހްޤީޤް ހިންގުމަށް އެލްމަދަގްގެ ޗީފް އޮފް ޕަބްލިކް ޕްރޮސިކިޔުޓަރ ވަނީ ދެ ޕްރޮސެކިޔުޓަރުން ހަމަަޖައްސައިފައެވެ. އަދި ހާދިސާ ހިނގިތާ މާގިނަ އިރުތަކެއް ނުވެ އެކަން ތަހްޤީޤް ކުރުމުގެ މަސައްކަތް އެމީހުން ފަށައިފައިވާކަމަށް ތުރްކިޔޭގެ ޑިފެންސް މިނިސްޓްރީ އިން ނެރެފައިވާ ބަޔާނުގައި ބުނެފައިވެއެވެ.

މިކަމާއި ގުޅިގެން ތުރްކިޔޭގެ ރައީސް ރަޖަބް ޠައްޔިބް އުރްދުޣާން ވަނީ ހާދިސާގައި މަރުވި މީހުންގެ ޢާއިލާތަކަށް ތައުޒިޔާ ފޮނުވައިފައެވެ.