ފަންޑު މަދުވުމުގެ ސަބަބުން ޔޫއެން އިން ސީރިޔާގެ ރައްޔިތުންނަށް ދެމުންދާ ކާބޯތަކެތީގެ އެހީގެ އެއްބައި ކަނޑާލަން ޖެހިދާނެ ކަމަށް އެ ޔޫއެން އިން ބުނެފިއެވެ.

ޔޫއެން އިން ބުނެފައިވަނީ ފަންޑު މަދުވުމުގެ ސަބަބުން އެ އޮގަނައިޒޭޝަންގެ ވޯލްޑް ފުޑް ޕްރޮގްރާމްގެ ދަށުން އެހީ ފޯރުކޮށްދޭ 5.5 މިލިއަން މީހުންގެ ޢަދަދު 2.5 މިލިއަނަށް މަދުކުރަން ޖެހިފައިވާ ކަމަށެވެ.

އަދި އެ އެންމެންނަކީވެސް އެމީހުންެގެ އެންމެ ޒަރޫރީ ބޭނުންތައް ފުއްދުމަށްވެސް އެ ފަދަ އެޖެންސީތަކުގެ އެހީއަށް ބަރޯސާވެފައި ތިބި މީހުން ކަމަށް އެ އޮގަނައިޒޭޝަނުން ވަނީ ބުނެފައެވެ.

ވޯލްޑް ފުޑް ޕްރޮގްރާމް އިން ބުނެފައިވަނީ 5.5 މިލިއަން މީހުންނަށް ކާބޯތަކެތި ފޯރު ކޮށްދިނުން ކުރިއަށް ގެންގޮސްފިނަމަ އޮކްޓޫބަރާއި ހަމައަށް ފަންޑު އެކީއެކަށް ހުސްވާމެ ކަމަށެވެ.

ސީރިޔާގައި 12 އަހަރުވަންދެން ކުރިއަށް ގެންދިޔަ ދާޚިލީ ހަނގުރާމައިގެ ސަބަބުން ބައި މިލިއަނެއްހާ މީހުން އެޤައުމުން ވަނީ މަރުވެ ގޮސްފައެވެ. އަދި ބައި މިލިއަނެއްހާ މީހުން ވަނީ ގެދޮރު ގެެއްލި ހާލުގައި ޖެހިފައެވެ.

މިއަހަރުގެ ފެބްރުއަރީ މަހު ތުރްކިޔާ އާއި ސީރިޔާ ގުޅޭ ހިސާބަށް އައި ބިނަހެލުނަ ތަކުގެ ސަބަބުން ދެ ޤައުމުންވެސް އެތައް ބަޔަކު  ވަނީ މަރުވެފައެވެ. ޔޫއެން އިން ބުނެފައިވަނީ މިކާރިސާގެ ކުރިނަވެސް 12.1 މިލިއަން ސީރިޔާގެ ރައްޔިތުން ތިބީ ބަނޑުހައި ހޫނުކަން މަތީގައި ކަމަށެވެ. އަދި އެ ކާރިސާތަކަށް ފަހު އެޢަދަދު ވަނީ އިތުރުވެފައެވެ.

ދުނިޔެއަށް މިފަހުން ކުރިމަތިވި އެންމެ ބޮޑު އިންސާނީ ކާރިސާ ކަމަށްވާ ކޮރޯނާވައިރަސްގެ ސަބަބުން ކުރިމަތިވި އިޤްތިޞާދީ
ކާރިސާއިން އަދިވެސް ސީރިޔާ އަށް އަރައިނުގަނެވެއެވެ.
ވޯލްޑް ފުޑް ޕްރޮގްރާމް އިން ބުނެފައިވަނީ ސީރިޔާގެ އާންމު މީހަކަށް މަހަކު ލިބޭ މުސާރައިން  ވަނީ ކާބޯތަކެއްޗަށް މަހެއްގެ އެއްކުއާޓަރުގައި ހަރަދު ކުރާހާ ކަމަށެވެ.

ސީރިޔާގައި ކާބޯތަކެތީގެ އަގު ހުރީ އެހާވެސް ބޮޑަށް މަތީގައެވެ. މީގެ އިތުރުން ކާބޯތަކެތީގެ އެހީ ލިބޭ ފަރާތްތަކަށްވެސް އެއިން ފުއްދާލެވެނީ ހަމަ ކިރިޔާ ކަމަށް ވަނީ ބުނެފައެވެ.