މިއަހަރުގެ ޖަރުމަނު ލީގުގެ އެންމެ މޮޅު ކުޅުންތެރިޔަކަށް ހޮވުނު ޑޯޓްމަންޑްގެ އިގިރޭސި މިޑްފީލްޑަރު، ބެލިންހަމް ސްޕެއިންގެ ރެއާލް މެޑްރިޑަށް ސޮއިކޮށްފި އެވެ.

މީޑިއާ ރިޕޯޓްތައް ބުނާގޮތުގައި ބެލިންހަމް ރެއާލް މެޑްރިޑަށް ބަދަލުވީ 06 އަހަރު ދުވަހުގެ އެއްބަސްވުމެއްގެ ދަށުން 103 މިލިއަން ޔޫރޯގެ ޓްރާންސްފާ ފީއެއްގައެވެ. މިއެއްބަސްވުމުގެ ދަށުން 2029 ވަނަ އަހަރާއި ހަމައަށް އަހަރަކު 10 އަކާއި 12 މިލިއަން އާއި ދެމެދުގެ މުސާރައެއް ލިބޭއިރު، މި މުއްދަތުގައި ރެއާލް މެޑްރިޑްގައި އޭނާ ހޯދާ ކާމިޔާބީތަކާއި ދައްކާ ކުޅުމެއްގެ ސަބަބުން އިތުރު 30.9 މިލިއަން މި ޓްރާންސްފަރ ގައި ހިމަނާފައި ވެއެވެ.

ބެލިންހަމް ވަނީ މި ސީޒަނުގައި ބޮރޫޝިއާ ޑޯޓްމަންޑަށް ކުޅެދިން 31 މެޗުގައި، އެކުލަބަށް 08 ލަނޑު ކާމިޔާބުކޮށްދިނީ އިތުރު ފަސް ލަނޑު ޖެހުމަށް އެހީތެރިވެދީފައެވެ. 

Advertisement

ބާމިންހަމް ސިޓީ އިން ޑޯޓްމަންޑަށް ބެލިންހަމް ބަދަލުވީ 2020 ވަނަ އަހަރު 25 މިލިއަން ޕައުންޑަށެވެ. ތިން އަހަރު ތެރޭގައި އޭނާ ވަނީ ޑޯޓްމަންޑަށް 130 މެޗު ކުޅެދީފައެވެ.

މީގެ އިތުރުން ބެލިންހަމް އިގިރޭސި ގައުމީ ޓީމަށް 24 މެޗު ކުޅެދީފައިވާއިރު، އޭނާ އަކީ 2022 ވަނަ އަހަރު ވޯލްޑް ކަޕުގެ ކުއާޓާ ފައިނަލާ ހަމައަށް އެޓީމު ގެންދިއުމުގައި އެންމެ އިސް  ދައުރެއް އަދާކުރި އެއް ކުޅުންތެރިޔާ އެވެ. އަދި މިވަގުތު އިންގްލެންޑް ޓީމުގައި ޕްރިމިއަރ ލީގުން ބޭރުން ހިމެނިފައިވާ ހަމައެކަނި ކުޅުންތެރިޔަކީވެސް ބެލިންހަމްއެވެ.

ރެއާލް މެޑްރިޑްގެ އިތުރުން ޔޫރަޕުގެ ބޮޑެތި ހުރިހާ ކުލަބަކުން އޭނާގެ ސޮއި ހޯދުމަށް މަސައްކަތް ކުރިއިރު، މިއީ މިސީޒަން ނިމުނު ފަހުން ރެއާލް މެޑްރިޑުން ގެނައި ތިންވަނަ ކުޅުންތެރިއާއެވެ.

މިސީޒަން ނިމުމުން ރެއާލް މެޑްރިޑް ދޫކޮށް ތިން ކުޅުންތެރިއަކު ގޮސްފައިވާއިރު، އެޓީމުން ވަނީ އޭސީ މިލާނަށް ކުޅެމުންދިޔައިރު ބްރަހީމް ޑިއާޒްގެ އިތުރު ރަޔޯ ވަޔެކާނޯގެ ޑިފެންޑަރު ފްރާން ގާސިއާގެ ސޮއި ވެސް ހޯދާފައެވެ.