އަމާޒަކީ ތިން ބިލިއަންގެ އާމްދަނީ އަކާއިއެކު 300 މިލިއަންގެ ފައިދާއެއް ހޯދުން ކަމަށް އެމްޓީސީސިގެ ސީއީއޯ އަދި މެނޭޖިންގ ޑިރެކްޓަރ އާދަމް އާޒިމް ވިދާޅުވެއްޖެއެވެ.

އާޒިމް މިހެން ވިދާޅުވީ ރޭ ބޭއްވުނު އެކުންފުނީގެ އަހަރީ ޢާންމު ޖަލްސާއަށް ފަހު މީޑިއާ ތަކާއި ވާހަކަ ދައްކަވަމުންނެވެ.

އާޒިމް ވިދާޅުވީ މިހާރު ވެސް އެ ކުންފުނިން ފަސް ބިލިއަން ރުފިޔާގެ މަޝްރޫއު ކުރިއަށް ގެންދާކަމަށެވެ.

Advertisement

އާޒިމް ވިދާޅުވީ ތިން އަހަރުތެރޭ އެއްބިލިއަނުން 2.4 ބިލިއަނަށް އާމްދަނީ ގެންދެވިފައިވާ ކަމަށެވެ. އަދި އެއް ބިލިއަނަށް އެކުންފުނީގެ ފައިދާ ގެންދެވުނީ 40 އަހަރުތެރެއިން ކަމަށް އާޒިމް ފާހަގަ ކުރެއްވިއެވެ. އަދި ތިން އަހަރުތެރޭ އާމްދަނީ އެއްބިލިއަނަށް ގެނެވުނު ކަންވެސް އާޒިމް ފާހަގަ ކުރެއްވިއެވެ.

މި އަހަރުގެ ނިޔަލަށް ކުންފުންޏަށް އެ ވަރުގެ އާމްދަނީ އެއް ލިބޭނެ ކަމަށް އުއްމީދު ކުރައްވާ ކަމަށް ވެސް އާޒިމް ވިދާޅުވި އެވެ.

އެމްޓީސީސީގެ 2022 ވަނަ އަހަރުގެ މާލީ ހިސާބުތަކަށް ބަލާއިރު، އެ ކުންފުންޏަށް އާމްދަނީގެ ގޮތުގައި 2.47 ބިލިއަން ރުފިޔާ ލިބުނެވެ. މިއީ އެ ކުންފުނީގެ ތާރީހުގައި ވެސް އެންމެ ބޮޑު އާމްދަނީއެއް ލިބުނު އަހަރެވެ. 

ކުންފުންޏަށް 2022 ވަނަ އަހަރު ލިބުނު ފައިދާ އިން މޫނުމަތީ އަގު 5ރ ގެ ހިއްސާ އަކަށް 4ރ ބަހަން ރޭ ބޭއްވި އަހަރީ އާންމު ޖަލްސާ އަށް ހުށަހެޅުމުން ހިއްސާ ދާރުންގެ ވޯޓުން ނިންމީ ފައިދާ ބަހަން ނުފެންނަ ކަމަށެވެ.