ޔުއޭފާ ޔޫރޯ 2024 ކޮލިފައިންގ ގްރޫޕް ޖޭގައި މިރޭ ޕޯޗުގަލް އާއި ބޮސްނިއާ ބައްދަލުކުރި 3-0 ގެ ނަތީޖާއަކުން ކާމިޔާބުކޮށް ގުރޫޕް ޖޭގެ އެއްވަނައިގައި ޕޯޗުގަލް އިން ދެ ޕޮއިންޓުގެ ލީޑެއް ނަގައިފިއެވެ.

ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ މިމެޗުގެ ފުރަތަަމަ ހާފުގައި ލަނޑުޖަހާނެ ރަގަޅު ފުރުސަތުތަކެއް ދެޓީމުން ވެސް ވަނީ ތަނަވަސްކޮށްފައެވެ. އެގޮތުން ފުރަތަަމަ ހާފުގެ 24 ވަނަ މިނެޓުގައި ޕޯޗުގަލްގެ ކެޕްޓަން ކްރިސްޓިއާނޯ ރޮނާލްޑޯ ލަނޑެއް ކާމިޔާބުކޮށް ޕޯޗުގަލްއަށް މެޗުގެ ލީޑު ހޯދައިދިނެވެ. ނަމަވެސް ރޮނާލްޑޯ ގޯލް ޖެހިއިރު، ލައިންސްމަން ހުރީ އޮފްސައިޑް ކަނަށް ދިދަ ނަގާފައެވެ. އަދި ވީއޭއާރުން ބެލުމަށްފަހު ރެފްރީ ނިންމީ ލައިންސްމަންގެ ނިންމުން ރަގަޅު ކަމަށެވެ.

ފުރަތަަމަ ހާފުގައި ބޮސްނިޔާ ޓީމުން އެންމެ ހުސް ފުރުސަތެއް ލިބުނީ އެޓީމުގެ ކެޕްޓަން އެޑިން ޖެކޯ އަށެވެ. ޕޯޗުގަލްގެ ޕެނަލްޓީ އޭރިއާ ތެރޭގައި މުޅިން ހުސްކޮށް ހުރެ ޖެކޯ ފޮނުވާލި ބޯޅަ ގޯލާއި އަމާޒުނުވެ ދިޔައީ ހުރަސް ދަނޑިމަތިން ބޭރަށެވެ.

Advertisement

ފުރަތަަމަ ހާފު ނިމުމުގެ ކުރިން ޕޯޗުގަލްއަށް މެޗުގެ ލީޑު ހޯދައިދިނީ މިޑްފީލްޑަރު ބެނާޑޯ ސިލްވާ އެވެ. މިއީ އެޓީމުގެ ބްރޫނޯ ފެނާންޑޭޒް ތަނަވަސްކޮށްދިން ފުރުސަތެއްގައި މުޅިން ހުސްކޮށް ބޯޅައާއެކު ކުރިއަށް އަރައި ކީއްޕަރުގެ ބޯމަތިން ގޯލުގެ ތެރެއަށް ބޯޅަ ފޮނުވާލައިގެން އޭނާ ކާމިޔާބުކޮށްދިން ހިތްގައިމު ލަނޑެކެވެ. މި ލަނޑާއެކު ފުރަތަަމަ ހާފުގެ ކުޅުން ނިމިގެންދިޔައީ 1-0 ގެ ނަތީޖާއަކުން ޕޯޗުގަލް ކުރީގައި އޮވެގެންނެވެ.

މެޗުގެ ދެވަަނަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔަ އިރު މި މެޗުގައި ޕޯޗުގަލް އިން ކާމިޔާބުކުރި ދެވަނަ ލަނޑު ފަހުހާފުގެ 77 ވަނަ މިނެޓުގައި ކާމިޔާބުކޮށްދިނީ ބްރޫނޯ ފެނާންޑޭޒް އެވެ. މިއީ އެޓީމުގެ ރުބެން ނަވާސް މަތިމަތިން ހުރަސްކޮށްދިން ބޯޅައެއް ބޮލުން ގޯލުގެ ތެރެއަށް ފޮނުވާލައިގެން އޭނާ ކާމިޔާބުކޮށްދިން ލަނޑެކެވެ.

މެޗުގެ އިތުރު ވަގުތުގެ ތެރޭގައި ޕޯޗުގަލްގެ ތިންވަނަ ލަނޑު ވެސް ކާމިޔާބުކޮށްދިނީ މި މެޗުގެ މޮޅު ކުޅުންތެރިއަކަށް ހޮވުނު މެންޗެސްޓާ ޔުނައިޓެޑްގެ މިޑްފީލްޑަރު ބްރޫނޯ ފެނާންޑޭޒް އެވެ.

މި މެޗުން ލިބުނު ތިން ޕޮއިންޓާއެކު ތިން މެޗުން 09 ޕޮއިންޓް ހަމަކޮށް މި ގުރޫޕްގެ އެއްވަނައިގައި މިވަގުތު އޮތީ ޕޯޗުގަލްއެވެ. މިގުރޫޕްގެ ދެވަނަގައި މިވަގުތު އޮތީ ތިން މެޗުން ލިބުނު 07 ޕޮއިންޓާއެކު ސްލޮވާކިޔާ އެވެ.