ދުނިޔޭގެ މަޝްހޫރުު ބްރޭންޑްތައް ރާއްޖެއަށް ތައާރަފް ކުރުމުގައި ބޮޑު މަގުބޫލުކަމެއް ހޯދާފައިވާ ވިލާ ޓްރޭޑިންގ ގެ ދަށުން ހިންގަމުންދާ ވިލާ މާޓްއިން މިދިޔަ އަންގާރަ ދުވަހު އޮޓިމާ ބްރޭންޑްގެ ޕާސްޓަގެ ރަހަ ދައްކާލުމުގެ ހަރަކާތެއް ކުރިއަށް ގެންގޮސްފިއެވެ.

މިކަމާއި ގުޅިގެން ވިލާ ޓްރޭޑިންގ އިން ނެރެފައިވާ ނޫސް ބަޔާނެއްގައި ވަނީ މީގެ ކުރިންވެސް ވިލާ މާޓްއިން އެކުންފުނިން އެތެރެކޮށް ވިއްކަމުންދާ ބްރޭޑްތަކުގެ ރަހަ ދައްކާލުމަށްް ތަފާތު ހަރަކާތްތައް ބާއްވާފައިވާކަން ފާހަގަކޮށް މި ހަރަކާތްތަކަށް ބޮޑު ތަރުހީބެއް ލިބިގެން ގޮސްފައިވާ ކަމަށް ބުނެފައެވެ.

އެގޮތުން މީގެ ކުރިން މާލޭގެ ޓީވީއެމް ކުރިމަތީ ހުންނަ ވިލާ މާޓުން ތަފާތު ހަރަކާތްތައް ކުރިއަށް ގެންގޮސްފައިވާއިރު ދާދި ފަހުން ހުޅުމާލެ 2 ވަނަ ފިޔަވަހީގެ ވިލާ މާޓްގައި ވަނީ އެކުންފުނީގެ ޓޯނީސް ބްރޭންޑް އަދި ތަމީމް ބާސްމަތީ ހަނޑުލުގެ ރަހަތައް ދައްކާލުމުގެ އިވެންޓެއްވެސް ބާއްވާފައެވެ.

Advertisement

މިއާއިއެކު މިދިޔަ އަންގާރަ ދުވަހުގެ ރޭގަނޑު 20:00 އިން 22:00 އަށް ހުޅުމާލެ 2 ވަނަ ފިޔަވަހީގައި ހުންނަ ވިލާ މާޓްގައި އޮޓިމާގެ ޕާސްތާގެ ރަހަ ދައްކާލުމުގެ އިވެންޓެެއް ވަނީ ކުރިއަށް ގެންގޮސްފައެވެ.

މި ހަރަކާތުގެ ސަބަބުން ވިލާ މާޓް އިން ދާދި ފަހުން ރާއްޖެއަށް ތައާރަފްކުރި އޮޓިމާ ބްރޭންޑްގެ މޮޅުކަމާއި ރަހައިގެ ގޮތުން މީރުކަން އެތައް ކަސްޓާމަރުންނަށް ކަށަވަރުވެގެން ގޮސްފައިވާކަމަށް އެ ކުންފުނިން ވަނީ ބުނެފައެވެ.

މިއާއިއެކު މި ބްރޭންޑްގެ އެކި ސައިޒްގެ އެކި ވައްތަރުގެ ޕާސްތާ ވިލާ މާޓްގެ ފިހާރަތަކުން ލިބެން ހުންނާނެ ކަމަށާއި ވިލާ ޓްރޭޑިންގްގެ އަމާޒަކީ ރާއްޖެއިން ބޭރުގެ އެންމެ މަތީ ފަންތީގެ ތަކެތި ރަނގަޅު ހެޔޮ އަގެއްގައި ފަސޭހައިން ރައްޔިތުންނަށް ލިބިގެން ދާނެ ގޮތް ހަމަޖައްސައި ދިނުން ކަމަށް ކަމުގައިވެސް އެ ކުންފުނިން ވަނީ ބުނެފައެވެ.

އެގޮތުން ވިލާ މާޓް އިން ވިއްކާ ހުރިހާ އެއްޗެއް މާލެ، ހުޅުމާލެ އަދި ވިލިމާލޭގެ އިތުރުން ދޯނިފަހަރުތައް ޑެލިވަރީ ކޮށްދޭނެއެވެ.

ވިލާ ޓްރޭޑިންގްގ އިން ވަނީ މިފަދަ ގިނަ ހަރަކާތްތަކެއް ކުރިއަށް ހުރި ދުވަސްތަކުގައިވެސް ކުރިއަށް ގެންދާނެ ކަމުގެ ޔަގީންކަން ދެއްވާފައެވެ.