ސަޢޫދީ ޢަރަބިއްޔާގެ ރަސްގެފާނުގެ ޚަރަދުގައި ރާއްޖެއިން ޙައްޖަށްދާ 10 މީހުންގެ ތެރޭގައި ރާއްޖޭގެ މަޝްހޫރު ފުޓްބޯޅަ ކުޅުންތެރިޔާ އަލީ އަޝްފާޤް ހިމެނިއްޖެއެވެ.
ކޮންމެ އަހަރަކުވެސް ސަޢުދީ ރަސްގެފާނުގެ ޚަރަދުގައި ޙައްޖުވުމުގެ ފުރުސަތު ހުޅުވައިލައެވެ.
މިއަހަރު ރާއްޖެއިން މިފުރުސަތު ލިބުނު 10 މީހުނަންނަށް އިއްޔެ ވަނީ އެކަމުގެ ލިޔުން ހަވާލުކޮށްފައެވެ. އެލިޔުން އެމީހުންނާއި ހަވާލުކޮށްފައިވަނީ މާލޭގައި ހުންނަ ސަޢޫދީ އެމްބަސީގައި ބޭއްވުނު ރަސްމިއްޔާތެއްގައެވެ.
ކޮންމެ އަހަރަކުވެސް ސަޢުދީ ރަސްގެފާނުގެ ޚަރަދުފުޅުގައި ޙައްޖު ވުމަށް ދުނިޔޭގެ މުސްލިމުންނަށް ހުޅުވައިލައެވެ. މިއަހަރު 1300 މީހަކަށް އެފުރުސަތު ވަނީ ހުޅުވާލައިފައެވެ. މިއަހަރު މި ފުރުސަތުގެ ދަށުން 90 ޤައުމަކުން 1300 މީހަކު ޙައްޖުވުމަށް ސަޢުދީއަށް ދިއުމަށް ހަމަޖެހިފައިވާ ކަމަށް ސަޢުދީގެ ނޫހެއް ކަމަށްވާ ޢަރަބް ނިއުސްގައި ބުނެފައިވެއެވެ.
ސަޢުދީގެ އިސްލާމިކް މިނިސްޓަރ ޝައިޚް ޢަބްދުالله އާތިފް އާލް ޝެއިޚް ވިދާޅުވެފައިވަނީ މި ޕްރޮގްރާމްގެ ދަށުން ޙައްޖަށް ދާ ހުރިހާ އެންމެންގެ ކަންކަން ބަލަހައްޓަވާނީ ސީދާ އެމަނިކުފާނު ކަމަށެވެ. އަދި މި ޕްރޮގްރާމަކީ މުސްލިމުންނަށް ޚިދްމަތް ކުރުމަށް ސަޢުދީ ރަސްގެފާނު ކުރިއަށްގެންދަވާ މަސައްކަތުގެ ތެރެއިން މަސައްކަތެއް ކަމަށެވެ.
ސަޢޫދީ ސަރުކާރުން ބުނެފައިވަނީ ޙައްޖާޖީންނަށް ޚިދްމަތްކުރުމަށް ސަޢޫދީގެ ސަރުކާރު އޮތީ ތައްޔާރުވެގެން ކަމަށެވެ.
Advertisement
This content is created and paid for by advertisers and does not involve Voice Journalists
