ޢީދު ބަންދުގައި ޢާންމުން އެދޭ ސަރަހައްދުތައް ބަންދު ކޮށްދޭން މާލޭ ސިޓީ ކައުންސިލުން ނިންމާފައިވާ ކަމަށް އެކައުންސިލުން ބުނެފިއެވެ.
ސިޓީ ކައުންސިލުން ބުނެފައިވަނީ މި ނިންމުން ނިންމާފައިވަނީ މާލެ ސިޓީ ކައުންސިލުގެ 4 ވަނަ ދައުރުގެ 107 ވަނަ ރަސްމީ އާންމު ޖަލްސާގައި ކަމަށް އެކައުންސިލުން ބުނެފައިވެއެވެ.
މާލެ ސިޓީ ކައުންސިލުން ބުނެފައިވަނީ މި ނިންމުން ނިންމީ އެކިއެކި ބޭފުޅުން އެބޭފުޅުން ދިރިއުޅުއްވާ ސަރަހައްދު ބަންދުކޮށްގެން ޢީދު ފާހަގަ ކުރުމަށް ކުދިކުދި ހަރަކާތް ހިންގުމަށް މަގު ފަހި ކުރުމަށާއި ކުރީ ފަހަރުތަކާއި ހިލާފަށް ހުރިހާ މަގެއް މަގެއްގައި ދުއްވާތަކެތި ދުއްވުން މަނާ ކުރުމުން އާންމު ފަރާތްތަކަށް ދިމާވާ ދަތިތައް ނައްތާލުމަށް ކަމަށެވެ.
މި ޖަލްސާގައި ވާހަކަފުޅު ދައްކަވަމުން މާލެ ސިޓީގެ މޭޔަރ ޑރ މުޙައްމަދު މުޢިއްޒު ވިދާޅުވިކަމަށް އެކައުންސިލުން ބުނެފައިވަނީ މިފަދައިން ކަންތައް ކުރުމުގެ ސަބަބުން ޢީދުކުޅިވަރުތައް ކުރިއަށް ގެންދިއުމަށް އެދިލައްވާފައިވާ ފަރާތްތަކަށާއި ތުއްތުކުދިން ގޮވައިގެން ހިނގާލަން ނުކުންނަން ބޭނުންވާ ފަރާތްތަކަށާއި އަދި ދުއްވާތަކެތީގައި އުޅޭ ފަރާތްތަކުގެ މަސައްކަތަށް ވެސް ބުރޫނާރާ ގޮތަކަށް މި ދެދުވަހުގެ ކަންކަން ކުރިއަށް ގެންދެވޭނެ ކަމަށެވެ.
މިފަހަކަށް އައިސް ޢީދު ދުވަސްތަކާއި ގުޅުވައިގެން ކަނޑައެޅޭ ވަކި ވަގުތުތަކެއްގައި ދުއްވާ އެއްޗެހި ދުއްވުން މަނާކޮށް ހިނގާ މީހުންނަށް މިނިވަންކަމާއި އެކު ހިނގައި އުޅުމުގެ ފުރުސަތު ދެއެވެ.
Advertisement
This content is created and paid for by advertisers and does not involve Voice Journalists
