ކޮވިޑް ފެށުނީ ވުހާންގެ ލެބުންކަމަށް ބެލެވޭނެ ހެއްކެއް ނެތް ކަމަށް އެމެރިކާގެ އިންޓެލިޖެންސް އިން ބުނެފިއެވެ.
އެމެރިކާއިން ނެރެފައިވާ ރިޕޯޓެއްގައި ބުނެފައިވަނީ ޗައިނާގެ ވޫހާން އިންސްޓިޓިއުޓް އޮފް ވައިރޮލޮޖީގައި ހިނގި ހާދިސާއަކުން ކޮވިޑް-19 ގެ ބަލިމަޑުކަން އުފެދުނު ކަމުގެ ސީދާ އެއްވެސް ހެއްކެއް އެމެރިކާގެ ޖާސޫސީ އިދާރާތަކަށް ފެނިފައި ނުވާ ކަމަށެވެ
ހަތަރު ސަފްޙާގެ މިރިޕޯޓުގައި ބުނެފައިވަނީ ކޮވިޑް ފެށިގެންދިޔައީ ވުހާންގެ ލެބުން ކަމަށް ބެލެވޭނެ އެއްވެސް ހެއްކެއް މިހާތަނަށް ލިބިފައި ނުވަކަމަށެވެ. އަދި ކޮވިޑްގެ ފެށުމަކީ ކޮބައިކަން އަދި މިހާތަނަށް ފެނިފައި ނުވާ ކަމަށްވެސް އެރިޕޯޓުގައި ބުނެފައިވެއެވެ.
އޯޑީއެންއައިގެ ރިޕޯޓުގައި ބުނެފައި ވަނީ ސެންޓްރަލް އިންޓެލިޖެންސް އެޖެންސީ އާއި އެހެން އެޖެންސީއަކަށް ކޮވިޑް-19 ގެ ބަލިމަޑުކަމުގެ އަސްލު ދެނެގަނެވިފައި ނުވާ ކަމަށެވެ. އަދި ދެ ހައިޕޮތެސިސް ވެސް ބަރޯސާވަނީ މުހިންމު ހީތަކެއްގެ މައްޗަށް ކަމަށް ވާތީ ދެބަސްވާ ރިޕޯޓިންތަކާ އެކު ގޮންޖެހުންތަކާ ކުރިމަތިލާން ޖެހިފައިވާ ކަމަށެވެ.
އެ ރިޕޯޓުގައި ބުނެފައި ވަނީ ވޫހާން އިންސްޓިޓިއުޓް (ޑަބްލިއުއައިވީ) ގައި ކޮރޯނާވައިރަހާ ބެހޭ ގޮތުން ބޮޑެތި މަސައްކަތްތަކެއް ކުރި ނަމަވެސް، ބަލި ފެތުރެން މެދުވެރިވި ކަމަށް ބެލެވޭ ވަކި ހާދިސާއެއްގެ ހެއްކެއް އެ އެޖެންސީތަކަށް ފެނިފައި ނުވާ ކަމަށެވެ.
"ޕެންޑެމިކްގެ ކުރިން ޑަބްލިއުއައިވީގެ ރިސާޗް ހޯލްޑިންގްސްގައި ސާސްކޯވް-2 ނުވަތަ ގާތް ޕްރޮޖެނިޓަރެއް ހިމެނޭ ކަމުގެ އެއްވެސް އިޝާރާތެއް އަދި ކޮވިޑް ޕެންޑެމިކްގެ ކުރިން ޑަބްލިއުއައިވީގެ މުވައްޒަފުންގެ މެދުގައި ދިރާސާތަކާ ގުޅުންހުރި ވަކި ހާދިސާއެއް ހިނގާފައިވާ ކަމުގެ ސީދާ އެއްވެސް ހެއްކެއް އަދި ވެސް ނެތް ކަމަށް ރިޕޯޓުގައިވެއެވެ.
މި ރިޕޯޓާއި ގުޅިގެން ދުނިޔޭގެ ޗައިނާއަށް ކުރަމުން ދިޔަ ތުހުމަތުތަކަށް ލުޔުއް އަންނާނެ ކަމަށް ލަފާކުރެވެއެވެ.
Advertisement
This content is created and paid for by advertisers and does not involve Voice Journalists
