1.6 މިލިއަނަށްވުރެ ގިނަ މީހުން މިހާތަނަށް ޙައްޖުވުމަށް ސަޢުދީޢަރަބިއްޔާއަށް ގޮސްފައިވާ ކަމަށް ޢަރަބް ނިއުސް އިން ބުނެފިއެވެ.
ސަޢުދީޢަރަބިއްޔާގެ ކަމާއިބެހޭ ފަރާތްތަކުން ހާމަކޮށްފައިވާގޮތުގައި ހުކުރު ދުވަހާއި ހަމައަށް 1،626،500 ޙައްޖުވެރިން ސަޢުދީޢަރަބިއްޔާއަށް އެތެރެވެފައިވާ ކަމަށެވެ.
އެގޮތުން ވައިގެ މަގުންނާއި، ކަނޑުމަގުން އަދި އެއްގަމު މަގުންވެސް އެތެރެވެފައިވާ ކަމަށެވެ.
ސަޢުދީޢަރަބިއްޔާގެ މިނިސްޓްރީ އޮފް އިންޓީރިއާ އަދި ޙައްޖުގެ ކަންކަމާއި ގުޅޭ ލީޑަރުން ބުނެފައިވަނީ ޙައްޖުވެރިންނަށް ދޭން ޖެހޭ ޚިދުމަތްތައް އެންމެ ފުރިހަމަ އަށް ދިނުމަށް ތައްޔާރުވެފައި ވާކަމަށެވެ.
އަދި ޙައްޖު މޫސުމުގައި ކުށްތަކަށް އަރައިގަންނަ މީހުންނަނަށް އެމަގުތައް ބަންދުކުރުމަށް ކުރީބައިގައި އަޅަން ޖެހޭ ފިޔަވަޅުތައް އަޅައި އެކަންކަމުގެ ތައްޔާރީތައް ވެސް ވެފައިވާކަމަށެވެ.
ޙައްޖަށްދާ މުސްލިމުންނަށް ލިބެންޖެހޭ ޚިދްމަތްތައް އެއް އަހަރަށްވުރެ އަނެއް އަހަރު ރަނގަޅު ކުރުމަށް ސަޢޫދީ ސަރުކާރުން ކޮންމެ އަހަރަކުވެސް މަސައްކަތްތަކެއް ކުރެއެވެ.
Advertisement
This content is created and paid for by advertisers and does not involve Voice Journalists
