ކަނޑުދަތުރު ފަތުރު ކުރާ މީހުންނަކީ ވަރަށް މުހިންމު މަސައްކަތެއް ކުރާ ބައެއް ކަމަށާއި އެމީހުންގެ އަގުވަޒަން ކުރަން ޖެހޭ ކަމަށް އެސްޓީއޯ ގެ މެނޭޖިންގ ޑިރެކްޓަރ ޢަބްދުالله ސަޢީދު ވިދާޅުވެއްޖެއެވެ.
ސަޢީދު މިހެން ވިދާޅުވީ ދުނިޔޭގެ ކަނޑުދަތުރުފަތުރުކުރާ މީހުންގެ ދުވަހާއި ގުޅުވައިގެން ދެއްވި ޚާއްސަ މެސެޖްގައެވެ.
ސަޢީދު ވިދާޅުވީ ރާއްޖޭގެ ސަރަހައްދުގެ 90 އިންސައްތައަށް ވުރެ ބޮޑު ބަޔަކީ ކަނޑު ކަމުގައި ވާތީ، ކަނޑުމަގުން ދަތުރުކުރުމަކީ ދިވެހިން ކުރިއެރުމަށް އޮތް މުހިއްމު މަގެއް ކަމަށެވެ.
ސައީދު ވިދާޅުވީ މިއަހަރުގެ ކަނޑުދަތުރުފަތުރުކުރާ މީހުންގެ ދުވަހުގެ ޝިއާރަކީ ކަނޑުމަތީގެ ރައްކާތެރިކަމާއި، ތިމާވެށީގެ ރައްކާތެރިކަންކަމަށެވެ. އެސްޓީއޯގެ އުޅަނދުތަކުގައި މިހާރުވެސް ކަނޑުމަތީގެ ރައްކާތެރިކަމުގެ އާލާތްތައް ހަރުކުރެވިފައިވާކަން އޭނާ ފާހަގަކުރެއްވިއެވެ.
ކަނޑުމަތީގެ ރައްކާތެރިކަމާއި، ތިމާވެށީގެ ރައްކާތެރިކަމުގެ ޝިއާރުގެ ދަށުން އިއްޔެ ފާހަގަކުރި ދުވަހުގެ މުނާސަބަތުގައި ވާހަކަދައްކަވަމުން ގައުމީ ޝިޕިން ކުންފުނި، އެމްއެސްއެސްގެ ފުރަތަމަ އެމްޑީ އަދި ކުރީގެ ކެޕްޓަން ސައީދު ވިދާޅުވީ ތިމާވެށީގެ ރައްކާތެރިކަން ކަށަވަރު ކުރުމުގެ ދާއިރާއިން އެ ކުންފުނިން ގިނަ މަސައްކަތްތަކެއް ކުރަމުން އަންނަ ކަމަށެވެ.
ކަނޑުދަތުރުކުރާ މީހުންގެ ދުވަސް އެންމެ ފުރަތަމަ ފާހަގަ ކުރަން ފެށީ 2010 ވަނަ އަހަރުއެވެ.
Advertisement
This content is created and paid for by advertisers and does not involve Voice Journalists
