ބަރަކާތްތެރި އަޟުހާ ޢީދު ޗުއްޓީއަށް ކުރީގެ ރައީސް މައުމޫނު އަބްދުލްގައްޔޫމާއި އެމަނިކުފާނުގެ އާއިލާ އދ. އޮމަދޫއަށް ވަޑައިގެންފި އެވެ.
ރައީސް މައުމޫނުގެ މިދަތުރުފުޅުގައި އެމަނިކުފާނުގެ އަނބިކަނބަލުން ނަސްރީނާ އާއި، ދަރިކަލުން ފާރިސް މައުމޫނާއި، ޔުމްނާ މައުމޫނުގެ އިތުރުން ބައެއް ކާފަ ދަރިންވެސް ވަނީ ބައިވެރިވެވަޑައިގެންފައެވެ.
އޮމަދޫއަށް ވަޑައިގެންނެވުމުން އެމަނިކުފާނާއި އާއިލާ އަށް މަރުޙަބާ ދެންނެވީ ކައުންސިލްގެ ރައީސް އާއި، ކައުންސިލް މެމްބަރުންނާއި އ.ތ.މ ކޮމިޓީ މެންބަރުންނާއި، ކައުންސިލް އިދާރާގެ މުވައްޒިފުންނެވެ.
މީގެ އިތުރުން އޮމަދޫގެ ވަރަށް ގިނަ ރައްޔިތުންވަނީ އެ މަނިކުފާނަށް މަރުހަބާ ދެންނެވުމަށް ބަދަރަށް ގޮސްފަ އެވެ.
ރައީސް މައުމޫނާއި އާއިލާ ޢީދު ޗުއްޓީއަށް އދ. އޮމަދުއަށް ޒިޔާރަތް ކުރުމުން އެރަށުގެ ރައްޔިތުން ކިޔާފައިވާ ހޫނު މަރުޙަބާ އަށްޓަކާ ޝުކުރު ދަންނަވައި އެމަނިކުފާނު ވަނީ ޓުވީޓެއް ވެސް ކުރައްވާފައެވެ.
Advertisement
This content is created and paid for by advertisers and does not involve Voice Journalists
