އަޟްޙާ ޢީދު ފާހަގަ ކުރުމަށް ރައީސް އިބްރާހިމް މުޙައްމަދު ޞާލިޙްގެ ދެކަނބަލުން އއ ތޮއްޑޫ އަށް ކުރައްވަމުންދާ ދަތުރު ފުޅުގައި، އެރަށުގައި ޒަމާނީ ފެންވަރުގެ ވޮލީ ކޯޓެއް އަޅައިދިނުމަށް އެރަށު ކަނބަލުން ރައީސް ޞާލިޙް އަރިހު އެދިއްޖެއެވެ.

ޢީދުގެ މުނާސަބަތުގައި ތޮއްޑުއަށް ވަޑައިގެންނެވުމަށްފަހު ރައީސްގެ ދެކަނބަލުން ވަނީ އެ ދެކަނބަލުންގެ ޝަރަފުގައި ތޮއްޑޫ ގެ ކަނބަލުންގެ ފަރާތުން ދިން ޢީދު ދުވަހުގެ ޚާއްސަ ޘަޤާފީ މެންދުރުގެ ފަރިއްކޮޅެއްގައި ބައިވެރިވެވަޑައިގަންނަވާފައެވެ.

މި ފަރިއްކޮޅުގެ ފަހުން ރައީސް ވަނީ ތޮއްޑޫގެ ކަނބަލުންގެ ތެރެއިން ބައެއް ކަބަނލުންނާއި ބައްދަލުކުރައްވައިފައެވެ.

މި ބައްދަލުކުރެއްވުމުގައި އެބޭފުޅުން ވަނީ ރަށުގެ ވޮލީ ކުޅުންތެރިންނަށް ރަނގަޅު ފެންވަރެއްގެ ވޮލީ ކޯޓެއް ބޭނުންވާކަން ފާހަގަކުރައްވާފައެވެ. އަދި އެ ވޮލީ ކޯޓް އެޅުމުގެ މަޝްރޫއުގެ މަސައްކަތް އަވަހަށް ފެށުމަށް ބޭނުންވާކަމަށްވެސް ވަނީ ބުނެފައެވެ.

އެބައްދަލުކުރެއްވުމުގައި ރައީސް، ވަނީ އެކަން ބައްލަވައިދެއްވާނެކަމުގައި ވިދާޅުވެފައެވެ.

ތޮއްޑޫއިން ފުރާ ވަޑައިގެންނެވުމުގެ ކުރިން ރައީސްގެ ދެ ކަނބަލުން ވަނީ ތޮއްޑޫ ލޯކަލް އޮތޯރިޓީ ކޮންޕެނީއަށް ޒިޔާރަތްކުރައްވައި އެތަނުގެ މަސައްކަތްތައް ދާ ގޮތް ބައްލަވައި ލައްވައިފައެވެ.