ތަމްރީނު ހޯދުމަށް ދިވެހި 120 ޓީޗަރަކު އިންޑިޔާއަށް ފޮނުވުމަށް އެޑިޔުކޭޝަން މިނިސްޓްރީ އިން ހަމަޖައްސައިފިއެވެ.
އިންޑިޔާގެ ގްލޯބަލް އެޑިއުކޭޝަން އެންޑް ޓްރެއިނިން އިންސްޓިޓިޔުޓާއި ގުޅިގެން އެޑިއުކޭޝަން މިނިސްޓްރީއާއި ނޭޝަނަލް އިންސްޓިޓިޔުޓް އޮފް އެޑިއުކޭޝަނުން ހިންގާ މި ޕްރޮގުރާމު ފަށަނީ މާދަމާއެވެ.
މާދަމާއިން ފެށިގެން ޖުލައި މަހުގެ 9 ވަނަ ދުވަހުގެ ނިޔަލަށް ހިންގާ މި ޕްރޮގުރާމުގައި ބައިވެރިވާ ޓީޗަރުން ދިއުމަށް ހަމަޖެހިފައިވަނީ އިންޑިޔާގެ އުއްތަރަޕްރަދޭޝްގެ ވެރިރަށް ލަކްނަވްގައި ހުންނަ އަލްފާ ޓްރެއިން ސުކޫލަށެވެ. އެ ޕްރޮގުރާމު ޚާއްޞަކޮށްފައިވަނީ ލިޔަންކިޔަން ދަސްކޮށްދިނުމާއި ހިސާބު އުނގަންނައިދިނުމުގެ މައްޗަށެވެ.
އެޑިއުކޭޝަން މިނިސްޓްރީން ހާމަކުރި ގޮތުގައި މި ދަތުރުގައި ބައިވެރިވާ ޓީޗަރުންނަށް އަލްފާ ސްކޫލުގައި އެކްސަލަރޭޓެޑް ލާނިން ފޯ އޯލް މެތަޑް ބޭނުންކޮށްގެން ކުލާހުގައި ކިޔަވައިދިނުމުގެ އަމަލީ ތަޖުރިބާ ލިބިގެންދާނެ ކަމަށެވެ.
އިންޑިޔާގެ އަލްފާ ލިޓެރަސީ އެންޑް ނިއުމެރަސީ ޕެޑަގޮގީ ނުވަތަ ކިޔަވައިދިނުމުގެ އުސްލޫބު ރާއްޖޭގެ ބައެއް ސުކޫލުތަކުގައި އަންނަނީ ބޭނުންކުރަމުން ކަމަށް އެޑިޔުކޭޝަން މިނިސްޓްރީ އިން ބުނެފައިވެއެވެ.
ރާއްޖޭގެ ސިވިލް ސާވެންޓުންނާއި، ޖުޑިޝަރީގެ ބައެއް މުވައްޒަފުންނާއި ނޫސްވެރިންވެސް އިންޑިޔާއަށް ތަމްރީނު ހޯދުމަށް ގޮސްފައިވާއިރު, މިއީ ރާއްޖެ އިންޑިއާ ދެމެދު އެއްބަސްވެވިގެން އެކި ދާއިރާތަކަށް ހުޅުވަލެވިގެން ކުރިއަށް ގެންދާ ތަމްރީނު ޕްރޮގްރާމްތަކެވެ.
Advertisement
This content is created and paid for by advertisers and does not involve Voice Journalists
