ހއ އަތޮޅުން އދ އަތޮޅަށް ހުދު ސަމާލު ނެރެފިއެވެ.

މެޓް އޮފީހުން އެސަރަހައްދަށް ހުދު ސަމާލު ނެރެފައިވަނީ މިއަދުގެ 15:00 މިރޭގެ 21:00 އާއި ހަމައަށެވެ.

މިވަގުތު ތަކުގައި ގަޑިއަކު 19 މޭލާއި 24 މޭލާއި ދެމެދު ބާރުމިނުގައި ވައިގަދަވާނެ ކަމަށް ލަފާ ކުރޭވޭ ކަމަށް މެޓް އޮފީހުނ ބުނެފައިވެއެވެ.

Advertisement

އަދިހަމަ އެވަގުތު ތަކުގައި ކަނޑުތައް ގަދަވާނެ ކަމަށްވެސް މެޓް އޮފީހުން ވަނީ ލަފާކޮށްފައެވެ.

މިއަދު ހެނދުނުވެސް މެޓް އޮފީހުންވަނީ ހދ އަތޮޅުން ލ އަތޮޅަށް ވިއްސާރަވެ ވައިގަދަވާނެ ކަމަށް ލަފާކޮށް ހުދު ސަމާލު ނެރެފައެވެ.

އަދި ރޭ ދަންވަރުވެސް ހދ އަތޮޅުން ފެށިގެން ކ އަތޮޅާއި ހަމައަށް ހުދު ސަމާލު ނެރުނެވެ.

މިދުވަސް ވަރަކީ ޢާންމުކޮށްވެސް ރާއްޖޭގެ މޫސުން ގޯސް ދުވަސްވަރެކެވެ. މޫސުން ގޯސް ދުވަސްވަރެއްކަމުން ކަނޑުދަތުރުފަތުރު ކުރުމުގައި ސަމާލުވުމަށް ކަމާއި ބެހޭ އިދާރާތަކުން އަންނަނީ ޢާންމުނަށް އިލްތިމާސް ކުރަމުންނެވެ.