ހއ އަތޮޅުން ފެށިގެން ވ އަތޮޅަށް ހުދުސަމާލު ނެރެފިއެވެ.
މެޓް އޮފީހުން ހުދު ހއ ން ވ އަތޮޅާއި ހަމައަށް ހުދުސަމާލު ނެރެފައިވަނީ މިއަދު ހެނދުގެ 8:15 އިން ފެށިގެން މެންދުރު 14:00އާއި ހަމައަށެވެ.
މެޓް އޮފީހުން ބުނެފައިވަނީ މި ވަގުތު ތަކުގައި ހއ އަތޮޅުން ވ އަތޮޅު ހިމެނޭ ސަރަހައްދަށް ބޯކޮށް ވާރޭވެހި ގުުގުރާނެ ކަމަށް ލަފާކުރެވޭ ކަމަށެވެ. އަދި ގަޑިއަކު 19 މޭލާއި 24 މޭލާއި ދެމެދުގެ ބާރުމިނުގައި ވައިޖެހޭނެ ކަމަށް ލަފާކުރާކަމަށެވެ.
އަދި ވިލާގަނޑުގައި ގަޑިއަކު 45 މޭލަށް ވައިގަދަ ވާނެ ކަމަށް މެޓް އޮފީހުން ލަފާކޮށްފައިވެއެވެ.
ރޭ ދަންވަރު 2:45ން ހެނދުނު 6:45 ހަމައަށް ހއ ން ފެށިގެން ފ އަތޮޅާއި ހަމައަށް ރޭ ދަންވަރު ވަނީ ރީނދޫ ސަމާލުވެސް ނެރެފައެެވެ.
އެ ސަމާލުގައި ބުނެފައިވަނީ އެވަގުތު ތަކުގައި އެސަރައްދަށް ބޯކޮށް ވާރޭވެހި ގަޑިއަކު 25 މޭލާއި 30 މޭލާއި ދެމެދުގެ ބާރު މިނެއްގައި ވައި ޖެހޭނެ ކަމަށާއި، ވިލާގަނޑުގައި ގަޑިއަކު 50 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާކުރާކަމަށެވެ.
އޭގެ އިތުރުން ބޯކޮށް ވާރޭވެހި ގުގުރައި އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކޮށް ރޭ ދަންވަރު 2:15 ން މިއަދު ހެނދުނު 8:15 އަށް ވެސް ހއ ން ލ އަތޮޅާއި ހަމައަށް ވަނީ ހުދު ސަމާލު ނެރެފައެވެ.
ވިއްސާރަވެ މޫސުން ގޯސް ދުވަސްވަރެއް ކަމުން ކަނޑުދަތުރު ފަތުރު ކުރުމުގައި ޚާއްސަ ސަމާލުކަމެއް ދޭންޖެހެއެވެ.
Advertisement
This content is created and paid for by advertisers and does not involve Voice Journalists
