Advertisement

21 އަހަރުން ދަށުގެ ޔޫރޯ: ފައިނަލުގެ ފުރަތަަމަ ޖާގަ އިންގްލެންޑަށް!

06 Jul 2023 | 01:43
އިންގްލެންޑްގެ ކުޅުންތެރިން ލަނޑު ޖެހުމަށް ފަހު އުފާފާޅުކުރަނީ

21 އަހަރުން ދަށުގެ ޔޫރޯ ފުޓްބޯޅަ މުބާރާތުގެ ސެމީ ފައިނަލުގެ ފުރަތަަމަ މެޗުގައި 3-0 ގެ ނަތީޖާއަކުން އިޒްރޭލު ބަލިކޮށް ފައިނަލްގެ ފުރަތަަމަ ޖާގަ އިންގްލެންޑް އިން ހޯދައިފިއެވެ.

އިންގްލެންޑްގެ ފަރާތުން މޮޅު ކުޅުމެއް ފެނިގެންދިޔަ މިމެޗުގެ ފުރަތަަމަ ހާފުގެ 17 ވަނަ މިނެޓުގައި އެޓީމަށް ވަނީ ޕެނަޓީއެއް ލިބިފައެވެ. ނަމަވެސް އެޓީމުގެ މިޑްފިލްޑަރު މޯގަން ގިބްސް-ވައިޓް ފޮނުވާލި ޕެނަލްޓީ ނާކާމިޔާބުވިއިރު، ފުރަތަަމަ ހާފުގެ 42 ވަނަ މިނެޓުގައި އެޓީމަށް ލީޑު ހޯދައިދިނީ ވެސް މޯގަން ގިބްސް އެވެ.

މިއީ އެޓީމުގެ މިޑްފިލްޑަރު ކޯލް ޕާމަރ ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ. މިއާއެކު ފުރަތަަމަ ހާފުގެ ކުޅުން ނިމިގެންދިޔައީ 1-0 ގެ ނަތީޖާއަކުން އިންގްލެންޑް ކުރީގައި އޮވެގެންނެވެ.

Advertisement

މެޗުގެ ދެވަަނަ ހާފުގައި އިންގްލެންޑް އިން އިތުރު ދެ ލަނޑު ކާމިޔާބުކުރި އިރު އެޓީމުގެ ދެވަނަ ލަނޑު ފަހުހާފުގެ 62 ވަނަ މިނެޓުގައި ކާމިޔާބުކޮށްދިނީ ކޯލް ޕާމަރ އެވެ. މިއީ އެޓީމުގެ މިޑްފިލްޑަރު އެމިލް ސްމިތު ރޯވް ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ.

މި މެޗުގައި އިންގްލެންޑް އިން ކާމިޔާބުކުރި ތިންވަނަ ލަނޑު މެޗުގެ 90 ވަނަ މިނެޓުގައި ކާމިޔާބުކޮށްދިނީ އެސްޓަންވިލާގެ ފޯވާޑް ކެމޮރޯން އާޗަރ އެވެ. މިއީ އެޓީމުގެ މިޑްފިލްޑަރު ކޯލް ޕާމަރ ތަނަވަސްކޮށްދިން ފުރުސަތެއްގައި އޭނާ ކާމިޔާބުކޮށްދިން ލަނޑެކެވެ. މިއާއެކު މެޗުގެ ކުޅުން ނިމިގެންދިޔައީ 3-0 ގެ ނަތީޖާއަކުން އިންގްލެންޑް ކުރީގައި އޮވެގެންނެވެ.

Advertisement

ކޮމެންޓް