ދަ ޑިމޮކްރެޓްސްގެ ވަގުތީ ޗެއަރޕާސަންއަކަށް ހަސަން ލަތީފް ހަމަޖައްސައިފިއެވެ.

ދަ ޑިމޮކްރެޓްސްގެ ވަގުތީ ޗެއަރޕާސަން އަކަށް ހަމަޖެއްސި ހަސަން ލަތީފް އަކީ އެޕާޓީގެ މުއައްސިސް އެވެ. އަދި ހަސަން ލަތީފް އަކީ ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެމްބަރެވެ.

ދަ ޑިމޮކްރެޓްސް އަކީ އެމްޑީޕީގެ ތެރެއިން ވަކިވި މެމްބަރުންތަކެއް އުފެއްދި ޕާޓީއެކެވެ.

Advertisement

ދަ ޑިމޮކްރެޓްސް އުފެއްދުމަށް ބޭއްވި ޖަލްސާ ބޭއްވުނީ ރޭ ޣިޔާސުއްދީން ސްކޫލްގައެވެ.

ރޭ ބޭއްވުނު ޖަލްސާގައި ޗެއަރ ޕާސަން ކަމަށް ނަން ހުށެއެޅުމަށް ހުޅުވާލުމުން ޗެއަރ ޕާސަން ކަމަށް ހަސަން ލަތީފްގެ ނަން ހުށައެޅުއްވީ ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރ އިލްޔާސް ލަބީބެވެ.

އޭގެއިތުރުން ވަގުތީ ޗެއާޕާސަންގެ ނައިބުންގެ ގޮތުގައި ތިން ބޭފުޅެއްގެ ނަން ވަނީ ހުށަހަޅައިފައެވެ. އެ ނަންތައް ހުށަހެޅުއްވީ މަޖިލިހުގެ ނައިބު ރައީސް އީވާ އަބްދުاللهއެވެ. ވަގުތީ ޗެއާޕަސަންގެ ނައިބުންނަކީ ނ.އަތޮޅު ކައުންސިލްގެ ރައީސް މުހައްމަދު ބަޝީރު ، އެންވަޔަރްމެންޓް މިނިސްޓްރީގެ ކުރީގެ ޑެޕިއުޓީ މިނިސްޓަރު މުހައްމަދު އަންސަރު އަދި އެލްޖީއޭގެ ކުރީގެ ސީއީއޯ އަފްޝަން ލަތީފެވެ.

އެ މަގާމުތަކަށް އެ ބޭފުޅުން އިންތިހާބު ކުރީ 355 މެމްބަރުންގެ ވޯޓުންނެވެ.