މާފުށީ ޖަލުގެ ގައިދީންނަށް ޚާއްސަ ރިހިބިލިޓޭޝަން ޕްރޮގްރާމެއް އެ ޖަލުގައި ފަށައިފިއެވެ.
ކަރެކްޝަންސް އިން ބުނީ ރިހެބިލިޓޭޝަން ފްރޭމްވާކް ތައާރަފްކުރުމުގެ މަޤްސަދަކީ ގައިދީން އިސްލާހުކޮށް، އެ މީހުންނަށް ތައުލީމާއި ހުނަރު އުނގަންނައިދީ، މުޖުތަމައަށް ނުކުންނަ އިރު އެ މީހުންނަކީ އާމްދަނީއެއް ލިބޭނެ ފަދަ މަސައްކަތެއްކޮށްގެން ކުށުގެ ވެށިން ދުރުހެލިވެ އުޅުމަށް މަގުފަހިކޮށް ދިނުން ކަމަށެވެ.
ރިހެބިލިޓޭޝަން ފްރޭމްވާކް އެކުލެވެނީ ހަތަރުު ފޭހެއްގެ މައްޗަށެވެ.
އެއީ ގައިދީންގެ ކިބައިގައި އަޚްލާޤް ބިނާކުރުމާއި އެ މީހުންނަށް "ސައިކޮލޮޖީ ޕްރޮގްރާމްތައް" ހިންގުމާއި "އެޑިއުކޭޝަން އަދި ވޮކޭޝަން" ދަސްކޮށް ދިނުމުގެ އިތުރުން "ޕްރިޒަން ކޮމިއުނިޓީ ސާވިސް” އެވެ.
މޯލްޑިވްސް ކަރެކްޝަނަލް ސާވިސް އިން ބުނެފައިވަނީ މި ޕްރޮގްރާމަކީ ރިހެބިލިޓޭޝަން ފްރޭމްވަކްގެ ފޭސް އެކެއްގެ 19 ވަނަ ބެޗް ކަމަށެވެ. މިި ބެޗްގައި 55 ގައިދީއަކު ބައިވެރިވެއެވެ. އޭގެ ތެރޭގައި ހިމެނެނީ މުޅިން ވެސް ފިރިހެން ގައިދީން ކަމަށް ކަރެކްޝަންސް އިން ބުނެފައިވެއެވެ.
Advertisement
This content is created and paid for by advertisers and does not involve Voice Journalists
