ސީޝެލްސްގައި ދިރިއުޅޭ ދިވެހި އާއިލާއެއް ކަމަށްވާ އައްޑޫ އަބްދުالله އަފީފްގެ އާއިލާގެ ދޮށީ ދަރިކަލުން އިބްރާހިމް އަފީފް ޙައްޖު ދަތުރުފުޅަށްފަހު ޙަލުކޮޅު ދެރަވެ ފަރުވާ ހޯއްދަވަމުން އެބަގެންދެއެވެ.
އިބްރާހިމް އަފީފް ޙައްޖު ދަތުރުން އެނބުރި ސީޝެލްސް އަށް އެނބުރި ވަޑައިގެންނެވި ގޮތަށް ގެންދެވީ ހޮސްޕިޓަލަށެވެ.
އިބްރާހިމް އަފީފަކީ ސީޝެލްގެ މީޑިއާ ކޮމިޝަނުގެ ރައީސެވެ. އޭނާއަކީ އައްޑޫ ބަޣާވާތަށް ފަހު ގައުމު ދޫކުރައްވާ ސީޝެލްސް އަށް ވަޑައިގެންނެވި އަބްދުالله އަފީފާއި އަނީސާ އަލި ދީދީ އާއި ދޮށީ ދަރިކަލުންނެވެ.
އިބްރާހިމް އަފީފްގެ ބައްޕާފުޅު، އަދި "އައްޑޫ ރަދުން" ގެ ގޮތުގައި މަޝްހޫރުވެފައިވާ އަބްދުالله އަފީފު ސީޝެލްސް އަށް ވަޑައިގަތުމަށް ފަހު އެއް ފަހަރު ރާއްޖެ ޒިޔާރަތް ކުރެއްވިއެވެ. އުމުރުފުޅުން 77 އަހަރުގައި، އަފީފު އަވަހާރަވީ ސީޝެލްސްގައި ޖުލައި 13، 1993 ގައެވެ.
ހުވަދު އަތޮޅާއި ފުވައްމުލައް ހިމެނޭ ގޮތަށް އައްޑޫގައި ވަކި ސަރުކާރެއް ގާއިމުކޮށް، ޔުނައިޓެޑް ސުވާޑައިވް ރިޕަބްލިކްގެ ރައީސްކަން 1959- 1963 އަށް ކުރެއްވި އަބްދުالله އަފީފުގެ ދަރިކަލުން އަހުމަދު އަފީފަކީ ސީޝެލްސްގެ ނައިބު ރައީސެވެ.
އަދި އަބްދުالله އަފީފްގެ އެހެން ބޭފުޅުންވެސް ތިއްބަވަނީ ސީޝެލްސް ސަރުކާރުގެ އިސް މަގާމުތަކުގަ އެވެ.
Advertisement
This content is created and paid for by advertisers and does not involve Voice Journalists
