ހއ ހޯރަފުށީ ޖީއެސް ކްލަބުން އިންތިޒާމު ކޮށްގެން ބާއްވާ ޖީއެސް ވޮލީމުބާރާތް ޑިސެމްބަރު 20 ވަނަ ދުވަހަށް ތާވަލު ކޮށްފިއެވެ.
ޖީއެސް ކުލަބުން ބުނެފައިވަނީ އެކުލަބުން އިންތިޒާމް ކޮށްގެން ކުރިއަށް ގެންދާ "ޖީއެސް ވޮލީބޯލް ޓޯނަމެންޓް 2023" މި އަހަރުގެ ޑިސެމްބަރ މަހުގެ 20 ވަނަ ދުވަހަށް ތާވަލުކޮށްފައިވާކަމަށެވެ.
މި މުބާރާތަކީ ހޯރަފުށީގެ ކުލަބް ޖަމްޢިއްޔާތަކަށާއި ސަރުކާރު އޮފީސްތަކަށާއި، ސަރުކާރު ހިއްސާވާ ކުންފުނިތަކަށާއި، އަމިއްލަ ކުންފުނިތަކަށާއި، ވިޔަފާރިތަކަށް ހުޅުވާލައިގެން ހޯރަފުށީ ކުލަބް ޖީއެސްގެ ފަރާތުން ކުރިއަށް ގެންދާ މުބާރާތެކެވެ.
މި އަހަރުގެ މުބާރާތުގެ ޗެމްޕިއަން ޓީމަށް 25000 (ފަންސަވީސްހާސް) ރުފިޔާގެ ފައިސާގެ އިނާމެއް ދިނުމަށް ވަނީ ނިންމާފައެވެ. އަދި ރަނަރަޕް ޓީމަށް 10000 (ދިހަހާސް) ރުފިޔާ ވަނީ ކަނޑައަޅާފައެވެ
ސެޕްޓެމްބަރ މަހުގެ ތިންވަނަ ދުވަހު މި މުބާރާތުގައި ޓީމް ރަޖިސްޓަރީ ކުރުމަށް ހުޅުވާލަން ނިންމާފައިވާއިރު، ޓީމް ރަޖިސްޓަރީ ކުރުމުގެ ފަހުގެ ތާރީޚެއްގެ ގޮތުގައި ކަނޑައަޅާފައިވަނީ އޮކްޓޯބަރ މަހުގެ ފުރަތަމަ ދުވަހެވެ. ޓީމް ލިސްޓް ހުށަހެޅުމުގެ އެންމެ ފަހުގެ ތާރީޚަކީ ޑިސެމްބަރ މަހުގެ ސާދަވަނަ ދުވަހެވެ.
Advertisement
This content is created and paid for by advertisers and does not involve Voice Journalists
