ދަ ޑިމޮކްރެޓްސް ރަޖިސްޓަ ކުރަން ހުށައަޅައިފިކަމަށް އެޕާޓީ އިން ބުނެފިއެވެ.

މިއަދު އެޕާޓީއިން ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އެޕާޓީގެ ތަރުޖަމާން އަފްޝަން ލަތީފް ވިދާޅުވީ ދަ ޑިމޮކްރެޓްސް ރެޖިސްޓަރ ކުރުމަށް ބޭނުންވާ ޑޮކިޔުމެންޓްތައް ވާނީ ހުށައަޅައިފައިކަމަށެވެ.

އަފްޝަން ވިދާޅުވީ 5 ޖުލައި ގައި ބޭއްވި ޖަލްސާގައި އަސާސީ ގަވާއިދާއި ޕާޓީގެ ނަމާއި، ލޯގޯ އާއި ޕާޓީގެ ކުލަޔާއި ޤާނޫނީ ގޮތުން ފުރިހަމަ ކުރަންޖެހޭ ހުރިހާ ރުކުންތައްކެއް ވަނީ މިހާރު ފުރިހަމަ ކުރެވިފައި ކަމަށެވެ. އަދި 3000 ސައްޙަ މެމްބަރުން ހަމަވާކަމަށް އިލެކްޝަނުންވެސް ބުނެފައިވާކަމަށް އަފްޝަން ވިދާޅުވިއެވެ.

Advertisement

އަފްޝަން ވިދާޅުވީ އުންމީދަކީ ވީހާވެސް އަވަހަކަށް ޕާޓީ ރެޖިސްޓަރ ކުރެވިގެން ދިޔުންކަމަށެވެ.

މިއަދުގެ ނޫސްވެރިންގެ ބައްދަލުވުމުގައި އަފްޝަން އިތުރަށް ފާހަގަ ކުރެއްވީ މިރޭ އޮންނަ އެޕާޓީގެ ހަރުގެ ހުޅުވުމުގެ ޖަލްސާގެ ވާހަކައެވެ. އަފްޝަން ވިދާޅުވީ ހަރުގެ ހުޅުވުމުގެ ޖަލްސާ ފެށޭނީ 8:30 ކަމަށެވެ. އަދި މި ޖަލްސާގައި ރައީސް މުޙައްމަދު ނަޝީދު ބައިވެރިވަޑައިގަންނަވާނެ ކަމަށާއި، އަދި އެމަނިކުފާނު ޖަލްސާގައި ވާހަކަފުޅު ދައްކަވާނެ ކަމަށްވެސް އަފްޝަން ވިދާޅުވިއެވެ.

އެ ޕާޓީ އުފެއްދުމުގެ ޖަލްސާ ބޭއްވުމުގެ ހުއްދަ ދިނުމުން މިދިޔަ ބުދަ ދުވަހު ވަނީ ޖަލްސާ ބާއްވާފައެވެ. އެ ޕާޓީއަށް ނިސްބަތްވާ 611 މެންބަރަކު ބައިވެރިވި ޖަލްސާގައި ޕާޓީގެ ނަމާއި ރަަމްޒީ ނަން އަދި ޕާޓީގެ ކުލަތަކާއި ނިޝާން އަދި ލޯގޯ ވަނީ ފާސް ކޮށްފަ އެވެ.މީގެ އިތުރުން ޕާޓީގެ ދިދަ އާއި ސިއްކަ އަދި ޑިމޮކްރެޓްސްގެ ރަސްމީ އެޑްރެސް ވަަނީ މެންބަރުންގެ ވޯޓުން ފާސްކޮށްފައެވެ.