ރަށްރަށަށް ގެންނަ ތަރައްޤީ ގެންނާނީ އެރަށެއްގެ ރައްޔިތުންނަށް ޓަކައި ކަމަށް ރައްޔިތުންގެ މަޖިލީހުގެ އުނގޫފާރު ދާއިރާގެ މެމްބަރު މުޙައްމަދު ވަޙީދު ވިދާޅުވެއްޖެއެވެ.

ވަޙީދު މިހެން ވިދާޅުވީ ރޭ ދަ ޑިމޮކްރެޓްސްގެ ޖަގަހަ ރަސްމީކޮށް ހުޅުވުމަށް ފަހު ބޭއްވި ޖަލްސާގައި ވާހަކަދައްކަވަމުންނެވެ.

ވަޙީދު ވިދާޅުވީ ބޭނުންތައް ބަހާލައިގެން ލިބޭ މިންވަރު ދަނެގެން އިރާދަކުރެއްވިއްޔާ ރާއްޖޭގެ ދައުލަތުގެ މުއްސަނދިކަމުގެ ފައިދާ ކޮންމެ ރައްޔިތަކަށް ހޯދައިދޭނެ ކަމަށެވެ.

Advertisement

"އަޅުގަނޑުމެން ރަށެއްގެ ބަނދަރެއް ހަދާނީ އެރަށެއްގެ ގޭބިސީއަށްޓަކައި، ރަށެއްގެ މަގު ހަދާނީ އާއިލާއަށް ޓަކައި، ރަށެއްގެ ދަނޑު ހަދާނީ އެރަށުގަ ކުޅޭ ކުދިންނަށްޓަކައި، ހަމައެކަނި މިތާ ހުންނަ ވަޒީރަކަށް ކަޓުދޭ އުސޫލަކުން ނޫން އެކަންކުރާނީ، އެކަން ކުރުމުގެ ބާރުވެރިކަން ރަށްރަށަށް އަދި ރައްޔިތުންނަށް އަޅުގަނޑުމެން ދޫކޮށްލާނަން" ވަޙީދު ވިދާޅުވިއެވެ.

ރޭގެ ޖަލްސާގައި ވާހަކަދައްކަވަމުން ވަޙީދު އިތުރަށް ވިދާޅުވީ ދުނިޔޭގެ ތާރީޚުގައި ފަސްއަހަރުގެ ދައުރަކުން ނިންމަން ބުނި ކަންކަން ނިންމަން އިތުރު ފަސްއަހަރުގެ ދައުރަކަށް ބޭނުންވާނެ ކަމަށް ބުނި މީހަކު ރައީސް ޞާލިޙް ނޫނިއްޔާ ނެތް ކަމަށެވެ.

ވަޙީދުގެ ވާހަކައިގައި ރައީސް ޞާލިޙްގެ ށ ދަތުރުފުޅުގައި އިތުރު ވަޢުދުތައް ވެ ވަޑައިގަތުމުން އެކަމަށް ފާޑުކިޔުއްވާފައިވެއެވެ.

ރޭ ޑިމޮކްރެޓްސްއިން ބޭއްވި ޖަލްސާގައި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދުވެސް ވަނީ ބައިވެރިވެ ވަޑައިގެންފައެވެ.