ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ދަ ޑިމޮކްރެޓްސް އަށް ސޮއި ކުރާ ޖަލްސާ ބާއްްވާ ތާރީޚް އެޕާޓީއިން އިއުލާނު ކޮށްފިއެވެ.
ރައީސް ނަޝީދު ޑިމޮކްރެޓްސް އަށް ސޮއި ކުރުމަށް ބާއްްވާ ޖަލްސާ އޮންނާނީ ޖުލައި 13 ވަނަ ދުވަހުގެރޭ 8:30 ގައެވެ. ޖަލްސާ ބޭއްވުމަށް ހަމަޖެހިފައިވަނީ އާޓިފިޝަލް ބީޗުގައެވެ.
ޑިމޮކްރެޓްސް އިން ވަނީ މި ޖަލްސާއަށް އެޕާޓީއަށް ތާއީދުކުރާ ހުރިހާ ފަރާތްތަކަށް ދައުވަތު ދީފައެވެ. އަދި މިޖަލްސާގައި އެޕާޓީއަށް ސޮއި ކުރަން ބޭނުންވާ ފަރާތްތަކަށް އެފުރުސަތު ހުޅުވާލެވިފައިވާނެ ކަމަށް އެޕާޓީއިން ވަނީ ބުނެފައެވެ.
ދަ ޑިމްކްރެޓްސްއަކީ އެމްޑީޕީގެ ތެރެއިން އުފެދުނު ފިކުރެއްގެ ދިރުން ފެކްޝަން ގައި ހިމެނުނު މެމްބަރުން އެމްޑީޕީއިން ވަކިވެ އުފައްދުމަށް މަސައްކަތްކުރަމުންދާ ޕާޓީއެކެވެ.
އެމްޑީޕީ އިން ވަކިވެ ޑިމޮކްރެޓްސް އުފެއްދުމަށް މަސައްްކަތް ކުރައްވާ ބޭފުޅުންގެ ތެރޭގައި އެމްޑިޕީއަށް ފެށުނީއްސުރެ ގިނަ ޚިދްމަތް ތަކެއް ކޮށްދެއްވިވި ބޭފުޅުން ހިމެނެއެވެ.
Advertisement
This content is created and paid for by advertisers and does not involve Voice Journalists
